வெகேஷன் போறேன்

கல்லூரியில் விடுமுறை போல
கம்பெனியில் வெகேஷன்!



பெட்டி கட்டப் போறேன்
கணினி கண்ணாடி கேம்ஸ்
பவுடர் சோப்பு ஷேம்போட
மணக்கும் அத்தர் மன்மத பில்ஸ்
சாக்லேட் பருப்பு பிஸ்கட்
ஏலம் பட்டை கிராம்பும்
உடுப்பு கேஸ் அடுப்பு
டேங்கு சிடி பிளேயர்
மறக்காம செல்ஒண்ணு மச்சானுக்கு
பால் பவுடர் நல்லதாமே அதுல ஒண்ணு
போங்க சார் நிறைய சாமான்

மனசு முழுக்க மகிழ்ச்சியோட
மனைவி மக்கள் சிந்தனையோட...

இதோ தரையிறங்கியாச்சு
தாய் மண்ணில் நான்...
உறவுகளை கட்டியணைத்து
ஊரு வந்து சேர்ந்தாச்சு



பிள்ளைகள் பள்ளிக்குப் பறக்க
மனைவியோடு மகிழ்ச்சியாக மனம் விட்டுப் பேச
வந்தது சேதி மாமாவுக்கு சுகவீனம்

ஆலாய் பறந்தாள் அவள் அங்கேயும் இங்கேயும்
டயப்படி மருந்து கொடுக்க
டான் டாண்ணு அவுக வீட்டில்



வெகேஷன் போராடிச்சது
பிரண்ட்ச பாக்கப் போக கிளம்ப
வேண்டாம் தடுத்தது வீடு
அவங்க உங்க கிட்ட இதுவர புடுங்கியது போதும்

பள்ளி விட்டு வந்தால் பிள்ளைகளிடம் பேசலாம்.
கடினமாக காலத்தை கடத்தினால்
வீடு திரும்பிய பிள்ளைகள் டியூஷனுக்கும் மதரசாக்கும்
சனி ஞாயிற்றிலும் பெசல் கிளாசு

பெரும்பாலும் சாப்பாடு மாமா வீட்டில்
ஆக்கி மனைவியே சுமந்து தந்தாள்

என்னங்க! காலையில முழுக்க ஆளையே காணோம்
இதென்ன சொல்லாம போற போக்கு
கம்பெனியிலிருந்து போன் முதலாளி கூப்பிட்டார்
மறுபடியும் கிளம்ப பெட்டியைத் தேடினேன்



நான் நினைத்தது போல எதுவும் நடக்கவில்லை
இப்போதும்..