வரதட்சணை கொடுமைபுளியங்குடியில் கணவன் கைது

by *சம்ஸ் Fri 24 Dec 2010 - 10:16

புளியங்குடி:புளியங்குடியில் மனைவியிடம் வரதட்சணை கேட்டு கொடுமைபடுத்திய கணவன் கைது செய்யப்பட்டார்.புளியங்குடி ஊரணி தெருவை சேர்ந்தவர் சாகுல்ஹமீது மகன் ரகுமத்துல்லா. இவருக்கும் மதுரையை சேர்ந்த யாஷின் முஹம்மது மகள் பாத்திமாவிற்கும் கடந்த சில ஆண்டுகளுக்கு முன் திருமணம் நடந்தது. திருமணத்தின்போது பணம், நகைகள் மற்றும் சீர்வரிசை பொருட்களும் கொடுக்கப்பட்டது.இந்நிலையில் ரகுமத்துல்லா சிங்கப்பூருக்கு வேலைக்கு சென்றுவிட்டார். அப்போது பாத்திமாவிடம் வரதட்சணை கேட்டு மாமனார், மாமியார் மற்றும் குடும்பத்தினர் தொல்லை கொடுத்து வந்தனர்.

பாத்திமா இதுகுறித்து கணவர் ரகுமத்துல்லாவிடம் தெரிவித்துள்ளார். ஆனால் ரகுமத்துல்லா இதை கண்டுகொள்ளவில்லை. பின்னர் மனைவியை ரகுமத்துல்லா சிங்கப்பூர் அழைத்து சென்றுவிட்டார்.
இந்நிலையில் பாத்திமா கற்பமானார். சிங்கப்பூரிலிருந்து பிரசவத்திற்காக மதுரை வந்தார். குழந்தை பிறந்த பின்பும் ரகுமத்துல்லாவின் குடும்பத்தினர் யாரும் குழந்தையை பார்க்க செல்லவில்லை என்று கூறப்படுகிறது. மேலும் அதிகமான பணம், நகை ஆகியவை கொண்டு வந்தால் மட்டுமே ரகுமத்துல்லாவுடன் வாழ முடியும், இல்லையென்றால் ரகுமத்துல்லாவிற்கு வேறு ஒரு திருமணம் நடத்துவோம் என அவரது குடும்பத்தினர் கூறியுள்ளனர்.இதுகுறித்து பாத்திமா புளியங்குடி போலீசில் புகார் செய்தார். போலீசார் ரகுமத்துல்லா உள்ளிட்ட அவரது குடும்பத்தினர் 9 பேர் மீது வழக்குபதிவு செய்து ரகுமத்துல்லாவை கைது செய்தனர். மற்றவர்களை தேடி வருகின்றனர்.

:];: :];: தினமலர்