Latest topics

வவுனியா சிறைச்சாலை தமிழ் அரசியற்கைதிகள் போராட்டம் முடிவுக்கு வந்தது.

சேனைத்தமிழ் உலா :: தகவலறை :: தினசரி செய்திகள்

Page 1 of 1

வவுனியா சிறைச்சாலை தமிழ் அரசியற்கைதிகள் போராட்டம் முடிவுக்கு வந்தது.

by நேசமுடன் ஹாசிம் Wed 20 Jul 2011 - 7:17

உண்ணாவிரதப் போரட்டத்தில் ஈடுபட்ட தமிழ் அரசியல் கைதிகளின் தொடர் உண்ணாவிரப் போராட்டம், மன்னார் மறை மாவட்டஆயர் வணக்கத்துக்குரிய இராயப்பு ஜோசப் அவர்களினால் வழங்கப்பட்ட உறுதிமொழியையடுத்து முடிவுக்கு வந்துள்ளதாகத் தெரிவிக்கப்படுகிறது.

வவுனியா சிறைச்சாலையில் உண்ணாவிரதம் மேற்கொண்டு வந்த தமிழ் அரசியற் கைதிகளை, மன்னார் மறை மாவட்ட ஆயர் இராயப்பு ஜோசப் அடிகளார், சிறைச்சாலைகள் ஆணையாளர் மேஜர் ஜெனரல் வீ.ஆர்.டி.சில்வாவுடன் நேற்று மாலை நேரில் சென்று சந்தித்தார்.

இச் சந்திப்பின் போது, மேற்படி சிறைச்சாலையில் உள்ள தமிழ் அரசியல் கைதிகள் பிரச்சினை தொடர்பில், நீதி அமைச்சர் ரவூப் ஹக்கீம் மற்றும் சட்டமா அதிபர் திணைக்கள அதிகாரிளுடன் பேச்சுவார்த்தைகளை மேற்கொண்டு, விரைவில் தீர்வுபெற்று தருவதாக மன்னார் மறை மாவட்ட ஆயர் இராயப்பு ஜோசப் உறுதி வழங்கினார். ஆயர் அவர்களால் வழங்கப்பட்ட உறுதிமொழியையடுத்து உண்ணாவிரதம் மேற்கொண்டு வந்த அரசியற் கைதிகள் தமது போராட்டத்தினை முடிவுக்குக் கொண்டுவந்துள்ளதாக தெரிய வருகிறது.

நேசமுடன் ஹாசிம்: தலைமை நடத்துனர்; பதிவுகள்:- : 49972
மதிப்பீடுகள் : 2262