இந்தியா, பாகிஸ்தான் மோதல்

by **நண்பன்** Wed 10 Aug 2011 - 4:52

தெற்காசிய உதைபந்தாட்டம்
இந்தியா, பாகிஸ்தான் மோதல்
தெற்காசிய உதைபந்து (16 வயதுக்குட்பட்டோர்) தொடரின் இறுதிப் போட்டியில் பரம எதிரிகளான இந்தியா- பாகிஸ்தான் அணிகள் மோத உள்ளன.

நேபாள தலைநகர் காத்மாண்டுவில், 16 வயதுக்குட்பட்டோருக்கான முதலாவது தெற்காசிய உதைபந்து சாம்பியன்ஷிப் தொடர் நடக்கிறது. இதன் அரையிறுதியில் இந்தியா, நேபாளம் அணிகள் மோதின.

விறுவிறுப்பான ஆட்டத்தின் 20வது நிமிடத்தில், நேபாள வீரர் ரிஷி தபா ஒரு கோல் அடித்து கைகொடுத்தார். இதற்கு இந்திய அணியினரால் பதிலடி கொடுக்க முடியவில்லை. இதனால் முதல் பாதி முடிவில் நேபாள அணி 1-0 என முன்னிலை வகித்தது.

இரண்டாவது பாதியில் இரு அணி வீரர்களும் கோல் அடிக்க முடியாமல் திணறினர். இந்நிலையில் ஆட்டத்தின் கடைசி நிமிடத்தில், இந்திய வீரர் நிதின் ஜெயால், ஒரு அபார கோல் அடிக்க, ஆட்டநேர முடிவில் 1-1 என சமநிலை வகித்தது. இதனால் ஆட்டத்தின் முடிவு பெனால்டி ஷ¥ட் அவுட் முறைக்கு சென்றது. இதில் அபாரமாக ஆடிய இந்திய அணி 4-2 என்ற கோல் கணக்கில் வெற்றி பெற்று, பைனலுக்கு முன்னேறியது.

மற்றொரு அரையிறுதியில் பாகிஸ்தான், பங்களாதேஷ் அணிகள் மோதின. இதில் அபார ஆட்டத்தை வெளிப்படுத்திய பாகிஸ்தான் அணி 2-0 என்ற கோல் கணக்கில் வெற்றி பெற்று, பைனலுக்கு தகுதி பெற்றது.

இன்று நடக்கவுள்ள இறுதியாட்டத்தில் இந்தியா- பாகிஸ்தான் அணிகள் மோதுகின்றன. ஏற்கனவே இத்தொடரின் லீக் போட்டியில் இந்திய அணி, பாகிஸ்தானிடம் தோல்வி அடைந்தது. இத்தோல்விக்கு பதிலடி கொடுக்க இந்திய அணியினருக்கு நல்ல வாய்ப்பு கிடைத்துள்ளது. இன்று நடக்கவுள்ள மூன்றாவது இடத்துக்கான போட்டியில், அரையிறுதியில் தோல்வி கண்ட நேபாளம் பங்களாதேஷ் அணிகள் மோதுகின்றன.