ரணிலின் ஒரு வருடகால அவகாசம் சஜித்தினால் நிராகரிப்பு

by **நண்பன்** Sun 2 Jan 2011 - 15:01

ஐக்கிய தேசியக் கட்சியின் புதிய தலைவராக சஜித் பிரேமதாஸவை முன்மொழியும் நடவடிக்கைகள் தீவிரமாகியுள்ளன. இந்தநிலையி;ல் தற்போதைய தலைவர் ரணில் விக்கிரமசிங்க, இந்த வருட இறுதிவரை தாம் பதவியில் இருக்கவேண்டும் என முன்வைத்த கோரிக்கையை சஜித் பிரேமதாஸவின் தரப்பு நிராகரித்து விட்டது

இதனையடுத்து இந்த விடயம், கட்சியின் பிரதி தலைவர் கரு ஜெயசூரியவினால், ரணில் விக்கிரமசிங்கவுக்கு தெரியப்படு;த்தப்பட்டுள்ளது.

கடந்த வருட இறுதிப்பகுதியில் கட்சியின் சம்மேளனம் இடம்பெற்ற போது அது வெற்;றிகரமாக முடிவடைந்தது. எனினும் இதன் பின்னர் கட்சியின் நிர்வாகிகளை தெரிவுசெய்யும் முகமாக குழு ஒன்று அமைக்கப்பட்டது.

இந்தக்குழு தற்போது கூடி ஆராய்ந்து வரும் வேளையில், ரணில் விக்கிரமசிங்கவை பதவி விலகுமாறும் அந்தநிலைக்கு சஜித் பிரேமதாஸவை நியமிக்குமாறும் கோரிக்கைகள் வலுப்பெற்று வருகின்றன.

சஜித் பிரேமதாஸவுக்கான ஆதரவும் கட்சிக்குள் அதிகரித்துள்ளது. இந்தநிலையில் நாடாளுமன்ற உறுப்பினராக கபீர் காசிம், பிரதி தலைவர் கரு ஜெயசூரிய ஆகியோர் நடுநிலையி;ல நின்று பிரச்சினைக்கு தீhவை எட்டும் முயற்சியில் ஈடுபட்டுள்ளனனர்.

இதன் போது கடந்த வாரம் இந்தியாவுக்கு தனிப்பட்ட விஜயத்தை மேற்கொண்ட ரணில் விக்கிரமசிங்க, 2011 ஆம் ஆண்டு இறுதிவரை தாம் கட்சியின் தலைவராக இருந்து விட்டு விலகுவதாக கரு ஜெயசூரியவிடம் தெரிவித்துள்ளார்.

கரு ஜெயசூரியவும் ரணில் கட்சியில் இருந்து மரியாதையான வெளியேற்றத்துக்கு இடம்தர வேண்டும் என சஜித்திடம் கோரியுள்ளார். எனினும் இதனை சஜித் பிரேமதாஸ குழுவினர் ஏற்றுக்கொள்ளவில்லை.

சஜித் பிரேமதாஸ கட்சியின் தலைவரான பின்னர் ரணில் விக்கிரமசிங்க பதவி விலக வேண்டும் என்பதே அவர்களின் கோரிக்கையாக உள்ளது. இந்தநிலையில் சமரச முயற்சிகள் தொடர்ந்து கொண்டிருக்கின்றன.

இதேவேளை தற்போதைய கட்சியின் செயலாளரான திஸ்ஸ அத்தநாயக்கவுக்கு பதிலாக பொதுச்செயலாளராக இம்தியாஸ் பாக்கீர் மாக்கார் தெரிவுசெய்யப்படலாம் என எதிர்பபார்க்கப்படுகிறது.