உரையாற்றுவதற்கு உறுப்பினர்கள் இல்லை இரண்டு மணி நேரத்தில் பாராளுமன்றம் ஒத்திவைப்பு

உரையாற்றுவதற்கு உறுப்பினர்கள் இல்லை
இரண்டு மணி நேரத்தில் பாராளுமன்றம் ஒத்திவைப்பு

கே. அசோக்குமார் - லோரன்ஸ் செல்வநாயகம்

சபையில் உரையாற்றுவதற்காக பெயர் குறிப்பிடப்பட்ட ஆளும் தரப்பு எதிர்த்தரப்பு உறுப்பினர்கள் இல்லாத காரணத்தினால் சுமார் 2 மணி நேரம் மட்டுமே பாராளுமன்ற அமர்வுகள் நேற்று நடைபெற்றது.

சபாநாயகர் சமல் ராஜபக்ஷ தலைமையில் பாராளுமன்றம் நேற்று 1.00 மணிக்கு கூடியது. வழமையான கேள்வி நேரத்தின் பின்னர் பிரேரணை முன்னறிவித்தலின்படி சிரேஷ்ட அமைச்சர் கலாநிதி சரத் அமுனுகம உற்பத்தி வரி மற்றும் துறைமுக விமான நிலைய வரி தொடர்பான கட்டளைகளை அங்கீகரிப்பதற்கான பிரேரணையை சமர்ப்பித்து பேசினார். இதனைத் தொடர்ந்து எதிர்க்கட்சியின் பிரதம கொரடா ஜோன் அமரதுங்க பேசினார்.

மூன்றாவதாக தமிழ்த் தேசிய கூட்டமைப்பு எம்.பி. எஸ். ஸ்ரீதரன் பேச ஆரம்பித்தார். எனினும் அவர் சமர்ப்பிக்கப்பட்ட பிரேரணையுடன் தொடர்பில்லாத மர்ம மனிதன், கிaஸ் மனிதன் தொடர்பாக பேசினார். அவரது உரையையடுத்து ஆளும் தரப்பு எதிர்த்தரப்பு உறுப்பினர்களின் பெயரை அழைத்தார்.

பிரேரணை தொடர்பாக பேசுவதற்காக பெயர் குறிப்பிடப்பட்டிருந்த உறுப்பினர்கள் எவரும் சபையில் இல்லாதவிடத்து பேசுவதற்காக பெயர் வழங்கப்பட்டால், அந்த உறுப்பினர் சபையில் இருக்க வேண்டும் என சபாநாயகர் கூறினார். எனினும் இந்த நிலையிலும் பெயர் குறிப்பிடப்பட்ட எவரும் சபைக்குள் வரவில்லை.

சபையை ஒத்திவைக்குமாறு கூறிய சபாநாயகர், சபை ஒத்திவைப்பு பிரேரணையை சமர்ப்பிக்குமாறு கேட்டுக்கொண்டார்.

சபை ஒத்திவைப்பு வேளை பிரேரணையை சமர்ப்பிக்க வேண்டிய அருந்திக பர்னாண்டோ எம்.பி.யும் சபையில் இருக்கவில்லை. இதனால், சபையை இன்று பகல் ஒரு மணி வரை ஒத்திவைப்பதாக ஆளும்தரப்பு பிரதம கொரடா அமைச்சர் தினேஷ் குணவர்தன தெரிவித்தார்

பேசாமல் சபையயை மொத்தமாக மூடிவிட்டு மனமகிழ் மன்றம் நடத்தவேண்டியதுதானே