சிங்கப்பூர் அதிபர் தேர்தலில் டோனிடான் வெற்றி

சிங்கப்பூரில் கடந்த 18 ஆண்டுகளுக்கு பிறகு நேற்று அதிபர் தேர்தல்
நடந்தது. அதில் ஆளும் மக்கள் நடவடிக்கை கட்சி (பி.ஏ.பி) ஆதரவுடன் முன்னாள்
துணை பிரதமர் டோனிடான் (வயது71) போட்டியிட்டார். இவரை எதிர்த்து டாக்டர்
டான்செங் பாக், டான் ஜீ சே, டான் கின் லியான் ஆகியோர் களம் இறங்கினர்.
கடந்த 9 நாட்களாக அனல் பறக்கும் தேர்தல் பிரசாரம் நடந்தது.

இதைத்தொடர்ந்து
நேற்று ஓட்டுப்பதிவு நடந்தது. அதில் 2 லட்சம் பேர் ஓட்டு போட்டனர். இரவு 8
மணிக்கு ஓட்டுப்பதிவு முடிந்தது. பின்னர் உடனே ஓட்டு எண்ணிக்கை
தொடங்கியது. இன்று காலை தேர்தல் முடிவு அதிகாரப்பூர்வமாக அறிவிக்கப்பட்டது.
அதில் முன்னாள் துணை பிரதமர் டோனிடான் 2 சதவீதம் வாக்குகள் அதிகம் பெற்று
வெற்றி பெற்றார். இவர் 35.19 சதவீதம் வாக்குகள் பெற்றுள்ளார்.

இவரை
எதிர்த்து போட்டியிட்ட டாக்டர் டான் செங் பாக்குக்கு 34.85 சதவீதம்
வாக்குகள் கிடைத்துள்ளது. மற்ற வேட்பாளர்களான டான் ஜீ சே 25.04 சதவீதமும்,
டான் நின் லியான் 4.91 சதவீதம் ஓட்டுகள் பெற்றுள்ளனர். ஓட்டு எண்ணிக்கையின்
போது டோனிடானுக்கும், டாக்டர் டான் செங் பாக்கும் இடையே குறைந்த ஓட்டு
வித்தியாசம் இருந்தது. எனவே மறு ஓட்டு எண்ணிக்கை நடத்தப்பட்டு டோனிடான்
வெற்றி பெற்றதாக அதிகாரப்பூர்வமாக அறிவிக்கப்பட்டது

வாழ்க சிங்கப் பூர் லீ குவான் யூ