சவாலுக்கு அஞ்சும் ரணிலே ஐ.தே.க வீழ்ச்சிக்கு காரணம்

சவாலுக்கு அஞ்சும் ரணிலே
ஐ.தே.க வீழ்ச்சிக்கு காரணம்



துணிவிருந்தால்
மஹ்றூப்பின் மோசடிக் குற்றச்சாட்டுக்கு பதிலளிக்கட்டும்


லோரன்ஸ் செல்வநாயகம்

எதிர்க்கட்சித் தலைவர் ரணில் விக்கிரமசிங்க நேர்மையானவர் என்றால் மஹ்றூப்
முன்வைக்கும் நிதி மோசடி குற்றச்சாட்டுக்குப் பதில் அளிக்கட்டும் என அமைச்சர் ராஜித
சேனரத்ன தெரிவித்தார்.
மஹ்றூப்பிற்குப் பதிலளிப்பதை அவர் சவாலாக ஏற்றுக்கொள்வாராயின் அதனையடுத்து எனது
குற்றச்சாட்டுக்களுக்கும் அவர் பதிலளிக்க வேண்டும் எனவும் அமைச்சர் தெரிவித்தார்.
வடக்கு கிழக்கு உட்பட நாட்டில் எங்கும் ஐக்கிய தேசியக்கட்சிக்கு ஆதரவு இல்லை என்பதை
அண்மையில் நடந்த உள்ளூராட்சிச் சபைத் தேர்தலில் வடக்கு முடிவுகள் அம்பலப்படுத்தின.
எனினும் அங்கு அரசாங்கத்திற்கு 30 வீத வாக்குகளை மக்கள் வழங்கி யிருந்தனர் எனவும்
அவர் குறிப்பிட் டார். ஸ்ரீலங்கா சுதந்திரக் கட்சி கொழும்பில் ஏற்பாடு செய்திருந்த
செய்தியாளர் மாநாட்டில் கலந்து கொண்டு உரையாற்றிய அமைச்சர் மேலும் தெரிவிக்கையில்:-
தலைவர் என்பவர் சவாலை ஏற்பவராக இருக்க வேண்டும். ஆனால் ரணில் விக்கிரமசிங்கவோ தாம்
எதிர்கொள்ள வேண்டிய சவாலுக்கு ஸ்ரீகொத்தாவில் பணி புரியும் அலுவலக உதவியாளரை
சாட்டுகிறார்.
சவாலை ஏற்றுக்கொண்டு கட்சிக்குப் புகழ் சேர்ந்த ஜே.ஆர். போன்ற தலைவர்கள் இருந்த
இடத்தில் சவாலுக்குத் துணிவில் லாத தலைவராக ரணில் விக்கிரமசிங்க விளங்குகிறார்.
அக்கட்சியின் வீழ்ச்சிக்கு அதுவே முக்கிய காரணமாகும்.
அது மட்டுமன்றி வங்கியின் நிதியை தமது உறவினர்களின் பெயரில் தேசிய சர்வதேச பங்குச்
சந்தையில் அவர் விரயமாக்குவது பலர் அறியாதவிடயம் எனவும் அமைச்சர் மேலும்
தெரிவித்தார்.


தினகரன் லங்கா