இலட்சக் கணக்கான மக்களின் உணர்வுகளை அவமதித்தார்

by *சம்ஸ் Thu 13 Oct 2011 - 6:23

இலட்சக் கணக்கான மக்களின் உணர்வுகளை அவமதித்தார்
ஹசாரே குழுவினருக்கு சட்டக் கல்லூரி மாணவர் நோட்டீஸ்
புதுடில்லி:
ஊழலுக்கு எதிராகப் போராடுவதை விட்டுவிட்டு ஒரு தனிப்பட்ட கட்சியை மட்டும் எதிர்த்து போராடுவதன் மூலம் இந்தியர்களின் உணர்வுகளை அவமதித்து விட்டார்கள் என அன்னா ஹசாரே மற்றும் அவரது குழுவினருக்கு 22 வயதான சட்டக் கல்லூரி மாணவர் ஒருவர் நோட்டீஸ் அனுப்பி உள்ளார்.

நாட்டு மக்களை அன்னா ஹசாரேவும் அவரது குழுவினரும் தவறாக வழிநடத்துகின்றனர் என குரு கோவிந்த் சிங் இந்திரப் பிரஸ்தா பல்கலைக்கழகத்தில் சட்டம் பயின்று வரும் மாணவர் அந்த நோட்டீஸை அனுப்பி உள்ளார்.

ஊழலுக்கு எதிராக உறுதியாகப் போரா டாமல் ஒரே ஒரு தனிப்பட்ட கட்சியின் மீது மட்டும் தங்களின் கவனத்தை திசை திருப்பி உள்ளதற்கு கண்டனம் தெரிவித்து ஹசாரே குழுவில் உள்ள அனைவருக்கும் நோட்டீஸ் அனுப்பப்பட்டுள்ளது.

மேலும் இலட்சக்கணக்கான மக்களின் உணர்வுளை அவமதித்த குற்றத்துக்காக ஹசாரே குழுவினர் மீது குற்ற நடவடிக்கையை தொடங்க வேண்டும் என்று கேட்டு உள்துறை அமைச்சகம், டில்லி பொலிஸ் அதிகாரி, ஹரியானா டி.ஜி.பி. ஆகியோருக்கும் நோட்டீஸ் அனுப்பப்பட்டுள்ளது. மக்களுக்கு நம்பிக்கைத் துரோகம் செய்ததற்காக ஹசாரே குழுவினர் நிபந்தனையற்ற மன்னிப்பு கேட்க வேண்டும் என்று அந்த நோட்டீஸில் குறிப்பிடப்பட்டுள்ளது.