புதுவை சட்டசபையில் காங்கிரஸ்-தி.மு.க. வெளிநடப்பு; அ.தி.மு.க. புறக்கணிப்பு

by **நண்பன்** Wed 2 Nov 2011 - 10:19

புதுவை துணைசபா நாயகரை தேர்ந்தெடுப்பதற்கான சட்டசபை கூட்டம் இன்று
நடந்தது. துணை சபாநாயகர் பதவிக்கு என்.ஆர்.காங்கிரஸ் உறுப்பினர் செல்வம்
மட்டுமே வேட்புமனுதாக்கல் செய்திருந்தார். எனவே அவர் போட்டியின்றி
தேர்ந்தெடுக்கப்பட்டார். அவர் இன்று பதவி ஏற்றுக்கொண்டார்.

இதைத்
தொடர்ந்து சட்டசபையில் துணை சபாநயகரை வாழ்த்தி உறுப்பினர்கள் பேசுவதற்கு
அனுமதியளிக்கப்பட்டது. அப்போது எதிர்கட்சி தலைவர் வைத்திலிங்கம் காங்கிரஸ்
எழுந்து புதுவையில் சட்டம் ஒழுங்கு கெட்டு விட்டது. மழை நிவாரணம்
வழங்கப்படவில்லை. ரேசன் அரிசி தரமாணதாக இல்லை. எனவே இதுபற்றி விவாதிக்க
வேண்டும்' என்று கூறினார்.

இதற்கு சபாநாயகர் சபாபதி
அனுமதியளிக்க வில்லை. இதனால் காங்கிரசார் ஆவேசமாக பேசினார்கள்.
அவர்களுக்கும் என்.ஆர்.காங்கிரஸ் உறுப்பினர்களுக்கு மிடையே கடும்
வாக்குவாதம் ஏற்பட்டது.

இதைத்தொடர்ந்து காங்கிரஸ்
உறுப்பினர்கள் சபையில் இருந்து வெளி நடப்பு செய்தனர். இதே பிரச்சினை
காரணமாக தி.மு.க. உறுப்பினர்களும் வெளிநடப்பு செய்தனர். இன்று சட்டசபை
கூட்டத்தை அ.தி.மு.க. புறக்கணித்தது.