எழுபத்தி ஐந்து இலட்சம் கப்பம் கோரியவர் வசமாக மாட்டிக் கொண்டார்

by **நண்பன்** Mon 17 Jan 2011 - 17:09

தங்க நகை வர்த்தகர் ஒருவரைக் கடத்திப் போய் எழுபத்தி ஐந்து இலட்சம் ரூபாவை கப்பமாகப் பெற முயன்ற பாதாள உலகக் கும்பல் உறுப்பினர் ஒருவர் தற்போது பொலிசாரால் கைது செய்யப்பட்டுள்ளார்.

தற்போதைக்கு எட்டு மாதங்களுக்கு முன் வர்த்தகரைக் கடத்தி கப்பம் பெற முயன்ற அவர் அது முடியாமற் போக தப்பித்துப் போய் தலைமறைவாக வாழ்ந்து கொண்டிருக்கையிலேயே இன்று கைது செய்யப்பட்டுள்ளார்.

சந்தேக நபர் நிட்டம்புவை பிரதேசத்தில் ஒளிந்து கொண்டிருப்பதாக கிடைத்த இரகசியத் தகவலையடுத்தே பொலிசார் அவரைக் கைது செய்துள்ளனர். அவர் இதுவரை காலமும் தலைமறைவாக வாழ்வதற்கு பொலிசாரும் உடந்தையாக இருந்திருப்பது விசாரணைகளில் தெரியவந்துள்ளது.

சந்தேக நபர் தற்போது கடுமையான விசாரணைக்குட்படுத்தப்பட்டுள்ளதுடன், அவருக்கு உதவியாக இருந்தவர்களும் கைது செய்யப்பட்டுள்ளனர்.