திருவொற்றியூர், எண்ணூரில் கடல் சீற்றம்; மீன்பிடி வலைகள், படகுகள் சேதம்

by *சம்ஸ் Thu 29 Dec 2011 - 6:24

திருவொற்றியூர், எண்ணூரில் கடல் சீற்றம்; மீன்பிடி வலைகள், படகுகள் சேதம்
சென்னை:
திருவொற்றியூர், எண்ணூர் பகுதிகளில் கடந்த திங்கட்கி ழமை இரவு பலத்த காற்று வீசியது. கடலில் கொந்தளிப்பு ஏற்பட்டதால் இராட்சத அலை கள் எழுந்தன. இதனால் கடல் அரிப்பை தடுக்க போட ப்பட்டிருந்த பாறாங்கற்களையும் தாண்டி மீனவர்கள் வீடு மீது தண்ணீர் விழுந்தது. இதனால் பீதியடைந்த எர்ணாவூர் குப்பம், இந்திராகாந்தி குப்பம், சின்ன குப்பம், பெரிய குப்பம் பகுதிகளை சேர்ந்த மீனவர்கள், வீட்டை விட்டு வெளியேறி பாதுகாப்பான இட ங்களில் தஞ்சம் புகுந்தனர்.

அடுத்தடுத்து எழுந்த இராட்சத அலைகளால் தெருக்களில் கடல் நீர் புகுந்தது. இதனால் கடற்கரை ஓரத்தில் நிறுத்தி வைக்கப்பட்டிருந்த படகுகள் மற்றும் வலைகள், கடலுக்குள் இழுத்துச் செல்லப்பட்டன. மீனவர்கள் கடலுக்குள் சென்று போராடி அவைகளை மீட்டு, பாதுகாப்பான இடங்களில் வைத்திருக் கின்றனர். இதேபோல் எர்ணாவூர் குப்பத்தில் கடற்கரை ஓரத்தில் நிறுத்தி வைக்கப்பட்டிருந்த 5 பைபர் படகுகளை அலை இழுத்துச் சென்றதால் அவை உடைந்து சேதமடைந்தன.

மீன்பிடி வலைகளும் கடலில் இழுத்துச் செல்லப்பட்டன. பெரிய குப்பம் முதல் தாளங்குப்பம் வரை இராட்சத அலை காரணமாக எண்ணூர் விரைவு சாலையில் சிறு சிறு கற்கள் சிதறிக் கிடந்தன. இதனால் அப்பகுதியில் கடுமையான போக்குவரத்து பாதிப்பு ஏற்பட்டது. நேற்று முன்தினமும் கடல் சீற்றம் இருந்ததால் கடலோர கிராமங்களை சேர்ந்த மீனவர்கள் மீன்பிடிக்க செல்லவில்லை. கடல் சீற்றம் தொடர்வதால் மீனவர்கள் இடையே பீதி ஏற்பட்டுள்ளது.