தொப்பை இல்லாத உடலைக் கேட்டேன்..!

by **rammalar** Fri 3 May 2013 - 13:54

---

தொப்பை இல்லாத உடலைக் கேட்டேன்..! 604091_451178284958933_1295080249_n

-

உடுக்கினைப் போல இடுப்பு! இது பொதுவாக எல்லாப்
பெண்களுக்கும் இருக்கும் கனவு.
ஹவர் கிளாஸ் ஃபிகர்�(hour glass figure) என்று
சொல்லுவார்கள். அப்படி மணற்கடிகையைப் போல இடை
சிறுத்து இருந்தால் மற்றவர் கண்களுக்கு அழகாகத் தெரிவோம்
என்பது உண்மைதான்.
-
தொப்பைக்கான தீர்வை இரு பகுதிகளாகப் பிரிக்கலாம்.
ஒன்று உணவில் கட்டுப்பாடு, இரண்டு உடற்பயிற்சி.
-
நீங்கள் உட்கொள்ளும் உணவின் மூலம் கிடைக்கும் கலோரியை
உங்கள் வேலைகள், உடற்பயிற்சி மூலம் எரிக்க வேண்டும். அப்படி
எரிக்காமல் தங்கிப்போகும் கலோரிகள் எடையை அதிகரிக்கச்
செய்கின்றன. ஊளைச்சதை உருவாகிறது.
-
ஆகவே என்ன சாப்பிடுகிறோம், எவ்வளவு சாப்பிடுகிறோம் என்பதை
நம் கட்டுப்பாட்டுக்குள் வைத்திருப்பதுதான் ஆப்பிள் போன்ற உடலைப்
பெறாமல் இருக்கச் சிறந்த வழி, என்கிறார் சென்னையை சேர்ந்த
டயட்டீஷியன் சரணவன்.

மிளகாய் சேர்க்கப்பட்ட உணவுகள், கொழுப்பை எரிக்கின்றன.
வளர்சிதை மாற்றத்துக்கும் உதவுகின்றன.

கறிவேப்பிலையை உணவில் தினமும் சேர்த்துக்கொண்டால்,
அது உடல் எடையைக் குறைக்க உதவுகிறது. உடம்பிலுள்ள கொழுப்பு
மற்றும் நச்சுப் பொருட்களையும் அது வெளியேற்றிவிடுகிறது.
அதிக உடல் எடையுடன் இருந்தால் தினமும் 10 கறிவேப்பிலைகளைப்
பொடியாக அரிந்து மோர் போன்ற பானங்களுடன் அருந்தவோ அல்லது
சாப்பாட்டுடன் சேர்த்து உண்ணவோ செய்யலாம்.
-
பூண்டு
கொழுப்பைக் கரைக்கும் சக்திவாய்ந்த உணவு வகைகளில் ஒன்று பூண்டு.
இதில் உள்ள சல்பர், பாக்டீரியாக்களுக்கு எதிராகப் போராடுவதோடு
கொழுப்பையும், ஊளைச் சதையையும் குறைக்கிறது.

கடுகு எண்ணெய்
மற்ற சமையல் எண்ணெய்களுடன் ஒப்பிடுகையில் இது கொழுப்பு குறைந்த
எண்ணை. அத்தியாவசிய வைட்டமின்களைக் கொண்டுள்ள இது கொழுப்பைக்
குறைப்பதோடு, இதயத்துக்கும் மிகவும் நல்லது.

உளுந்தம் பருப்பு
உளுத்தம் பருப்பில் வைட்டமின் ஏ, பி, சி, ஈ ஆகியவை ஏராளமாக உள்ளன.
கால்சியம், இரும்பு மற்றும் பொட்டாசியம் போன்ற பல தாதுக்களும்
நிறைந்துள்ளன. குறைந்த கொழுப்புச் சத்து உடையது என்பதால் உடல்
மெலிய பரிந்துரைக்கப்படும் உணவு வகைகளில் உளுந்தும் ஒன்று.
புரதமும் நார்ச்சத்தும் அதிகம் உள்ளது. ரத்தத்திலும் கொழுப்பின் அளவைக்
குறைக்க உதவுகிறது.
-
-------------------------------------------------
நன்றி:
நம் தோழி- மார்ச் 2011(கட்டுரையிலிருந்து)
படம்: இணையம்