அலசி ஆராய்வது அப்பாடக்கர்!

தனுஷ் நடிக்கும் 'மரியான்’ படத்துக்கு ஏ.ஆர்.ரஹ்மான் மியூஸிக். ''பாட்டெல்லாம் எப்படி இருக்கு?''னு நண்பரிடம் கேட்டேன். ''வழக்கம்போலத்தான்'' என்றார். ''வழக்கம்போலன்னா? நல்லா இருக்கா, இல்லையா?'' என்றேன். ''முதல்ல ரஹ்மான் மியூஸிக்ல பாட்டு கேட்கிறப்போ, 'என்னடா மியூஸிக் போட்டிருக்கார்?’னு தோணும். அப்புறம் கேட்கக் கேட்கப் பிடிச்சுப்போயிடும். 'என்னமா மியூஸிக் போட்டிருக்கார்!’னு பாராட்ட ஆரம்பிச்சிடுவோம். அப்படித்தான் 'மரியான்’ பாடல்களும்''னார். என்னா ஒரு தத்துவம் பாருங்க. ''என்னெல்லாம் பார்த்தாப் பிடிக்காது. பார்க்கப் பார்க்கத்தான் பிடிக்கும்'' - இது தனுஷோட பஞ்ச் டயலாக். அதேமாதிரி ரஹ்மானுக்கும் ஒரு பஞ்ச் சொல்லணும்னா, ''என் மியூஸிக் கேட்டாப் பிடிக்காது. கேட்கக் கேட்கத்தான் பிடிக்கும்.'' ஆஹா, ரெண்டும் மிங்கிள் ஆகுதே!

இந்த ஸ்ரீசாந்த் பத்தித்தான் எத்தனை தகவல்கள் வருது. லட்சக்கணக்கில் காசு கொடுத்து டிரெஸ் வாங்கினார், அதை வாங்கினார், இதை வாங்கினார்னு... அதிலேயும் முக்கியமா வயித்தெரிச்சல் கிளப்புற நியூஸ்னா... தோழிகளுக்கு போன் வாங்கிக் கொடுத்த மேட்டர்தான். முதல்ல ஒரு பொண்ணுகிட்ட இருந்து போனைப் பறிமுதல் செஞ்சாங்க. அப்புறம் இன்னொரு பொண்ணுகிட்ட இருந்து... ஹல்லோ ஆப்பீஸர்ஸ், எப்படியும் ஏதாவது விசாரணைக் குழு போடுவீங்கல்ல, அப்படியே இந்த சாந்துப் பையனுக்கு எத்தனை தோழிகள் இருக்காங்கனு கண்டுபிடிக்கவும் ஒரு விசாரணைக் குழு போடுங்க. பையன் நல்லா விளையாடுவான்னு பார்த்தா, வேற விளையாட்டுல்ல விளையாண்டுருக்கான்!

இந்த நாராயணசாமியும் இல்லாட்டி நாமெல்லாம் கவலையை மறந்துட்டு எப்படித்தான் சிரிக்கிறதுனு தெரியலை. சமீபத்தில் ஒரு கூட்டத்துல பேசின நாராயணசாமி சுண்டைக்காய்னு சொல்லி சீமானைக் கண்டபடித் திட்டியிருக்காரு. 'சீமான் கூட்டத்துக்குத் தடை போட்டது சரிதான்’னு பேசியிருக்காரு. எல்லாம் சரி, ஆனா போற போக்கில ஒரு ஜோக் அடிச்சிருக்காரு பாருங்க, ''தமிழக அரசு வழக்குப் பதிவு செய்த பின்னர், சீமான் தலைமறைவாக உள்ளார்''. சீமான் என்னான்னா, ஒரு டி.வி-யில புரொகிராமே செஞ்சுக்கிட்டு இருக்காரு. தலைமறைவா இருக்காராம் தலைமறைவாம்... நாராயணா, இந்தக் கொசுத் தொல்லை தாங்க முடியலை நாராயணா!

மன்மோகன்சிங் அணு உலை பாதுகாப்புக் குறித்துப் பேச்சுவார்த்தை நடத்த ஜப்பான் போறார்னு பேப்பர்ல படிச்சேன். ஏனுங்க ... அதே அணு உலைப் பாதுகாப்பு குறித்துப் பேச, கூடங்குளத்துக்கு வர மாட்டாருங்களா?

---------------------------

என்னம்மா பண்ணலாம்... டிஸ்கோவுக்குப் போகலாம், வோட்காவைப் போடலாம், ஓடிப் பாடி ஆடலாம்’னு ஒரு தத்துவப் பாட்டு ஞாபகம் இருக்கா? அப்போ உங்களுக்கு 'சிலம்பாட்டம்’னு சிம்பு நடிச்ச படமும் ஞாபகம் இருக்கும். அப்போ கண்டிப்பா அதில் நடிச்ச சனாகானையும் ஞாபகம் இருக்கும். அந்தப் பொண்ணு வில்லங்கமான விவகாரத்தில் சிக்கித் தலைமறைவு, கோர்ட்டு, கேஸுன்னு அலை யுது. காரணம், சனாகானோட சொந்தக்காரப் பையன் ஒருத்தன் ஃபேஸ்புக்கே கதியாக்கிடந்து ஒரு பொண்ணையும் ஃப்ரெண்ட் பிடிச்சிட்டான். அப்புறம் வழக்கம்போல, 'ஐ லவ் யூ’ சொல்ல அந்தப் பொண்ணு மறுக்க, சனாகானும் இன்னும் சில அன்பர்களும் சேர்ந்து அந்தப் பொண்ணைக் கடத்தினதா கேஸ். இந்த நேரம் பார்த்துத்தான் சனாகான் நடிச்ச ஒரு படமும் வந்திருக்கு. படத்தோட டைட்டில் 'ஒரு நடிகையின் டைரி’. செமத்தியா இருக்குல்ல?

நன்றி
டைம் பாஸ்

அ.தி.மு.க. ஆட்சியின் இரண்டாம் ஆண்டு முடிவதற்கு சில நாட்களுக்கு முன்பு சட்டசபையில் பேசிய மின்சாரத் துறை அமைச்சர் நத்தம் விஸ்வநாதன், ''படிப்படியாக மின்வெட்டு குறைந்து வருகிறது. சென்னையில் உள்ள இரண்டு மணி நேர மின்வெட்டும் நீக்கப்பட்டுவிட்டது'' என்றார். அவர் சொன்னதைப் போலவே இரண்டு, மூன்று நாட்கள் சென்னையில் பவர்கட் இல்லை. சரியாக, அ.தி.மு.க ஆட்சியின் 'சாதனை இரண்டாம் ஆண்டு’ முடிந்த மறுநாள், வழக்கம்போல மின்சாரம்... போயே போச்சு! இதானா சார் உங்க டக்கு?

மத்திய அரசில் பங்கு பெற்றவர்கள் மற்றும் ஆளும் கட்சிக்காரர்கள் தொடர்பான வழக்குகளை சி.பி.ஐ. விசாரிக்கும்போது அரசின் தலையீடு இருக்கிறது என்று சொல்லித்தான் உச்ச நீதிமன்றம் கண்டனம் தெரிவித்து சி.பி.ஐக்குத் தன்னாட்சி தரச் சொன்னது. அதற்காக மன்மோகன் அரசும் ஐந்து பேர்களைக்கொண்ட குழுவை அமைத்திருக்கிறது. அதற்குத் தலைவர், ப.சிதம்பரம். கபில்சிபல், மனீஷ் திவாரி, சல்மான் குர்ஷித், அப்புறம், 'அந்த 15 நாட்கள்’ நாராயணசாமி இவங்கதான் அந்தக் குழுவில் உள்ள 'நாங்க மொத்தம் நாலு பேரு’. இந்தப் பேர்களைப் படிச்சப்போ ஒரே ஒரு வரி கமென்ட்தான் மனசில ஓடுச்சு, 'அவ்ளோ நல்லவங்களாய்யா நீங்க?’

ஒவ்வொரு கிரிக்கெட் போட்டி முடிஞ்சதும், 'இப்படி விளையாடி இருக்கணும்’, 'பௌலிங் அப்படிப் போட்டுருக்கணும்’, 'பிட்ச் சரியில்லை’, 'ஸ்டம்ப் சரியில்லை’னு நல்லாப் படிச்சவங்க நாலு பேரு டி.வி-யில, முதல் நாள் முடிஞ்ச மேட்சைப் பத்தி அப்பாடக்கரை விட அதிகமாவே அலசி ஆராய்வாங்க. 'அடப் பக்கிகளா, புரோக்கர் பேசுற பேரம் படியிற மாதிரிதான் இருக்கும் மேட்ச்சோட ஆட்டம்’னு நச்சுன்னு நடுமண்டையில அடிச்சிருக்காரு ஸ்ரீசாந்த். இந்தச் செய்திகளைப் படிச்சுட்டே வந்தப்போ, பகீர்னு இருந்துச்சு. சென்னையில் மட்டும் 13 பெரிய தரகர்கள், அவர்களுக்குக் கீழே 100 சிறிய தரகர்கள் இருக்காங்களாம். அவங்களுக்குனு ரகசியமா சங்கமும் இருக்காம். தலைவர், செயலாளர், பொருளாளர் போஸ்டிங்கும் உண்டாம். நல்ல வேளை... கட்சி ஆரம்பிச்சு கூட்டணி மட்டும் அமைக்கலை. வெளங்கிடும்!

அப்புறம் இன்னொரு சந்தேகம். ஸ்ரீசாந்த் கேரள அரசோட லாட்டரிச் சீட்டு விளம்பரத்துல வந்துக்கிட்டு இருந்தாராம். அவரு சூதாட்டத்தில ஈடுபட்டாருனு அவரை நீக்கிட்டாங்களாம். ஏனுங்க, லாட்டரிச் சீட்டுங்கிறதும் சூதாட்டம்தானுங்களே? சரியாத்தான் பேசுறேனா?

மன்மோகன் அரசின் ஊழலை எதிர்த்து சிறை நிரப்பும் போராட்டத்தை நடத்தப் போறதா தமிழ்நாடு பி.ஜே.பி. அறிவிச்சிருக்கு. கோபம் வர்ற மாதிரி காமெடி பண்ணாதீங்க ப்ளீஸ்! வேணும்னா அறை நிரப்பும் போராட்டம் நடத்திக்குங்க!

தி.மு.க. சொற்பொழிவாளர்கள் கூட்டத்தில் பேசியிருக்கிற கருணாநிதி தி.மு.க. கோஷ்டிப் பிரச்னைகள் பத்திப் புலம்பித் தள்ளியிருக்காரு. ''இளைஞரணி, மகளிரணி, மாணவரணியைத் தாண்டி நம்ம கட்சியில ஏகப்பட்ட அணிகள் இருக்கு. ஊர், ஊருக்கு ரெண்டு அணிகள் இருக்கும். நீங்க எந்த அணியிலேயும் சேரக் கூடாது''னு சொற்பொழிவாளர்களுக்கு அட் வைஸும் பண்ணியிருக்காரு. இப்படி பப்ளிக்கா பண்ற அட்வைஸை ரெண்டே ரெண்டு பேரைக் கூட்டி வெச்சு வீட்லயே பண்ணலாமே தலீவா!

இந்த ஆண்டு நடைபெற்ற சட்டசபைக் கூட்டத்தொடர்களில் ஓர் ஆண்டில் அதிகக் கேள்விகள் கொடுத்தவர் சரத்குமார்தானாம். ஆச்சர்யமா இருக்குல்ல. அதைவிட ஆச்சர்யம், அதிக பதில் அளித்தவர்களில் ஒருவர் நத்தம் விஸ்வநாதன். ஆனா, எனக்கு ஒண்ணும் ஆச்சர்யம் இல்லைங்க. என்னத்த அதிகமாப் பதில் சொல்லியிருப்பாரு? 'பவர்கட்டுக்குக் காரணமே கடந்த தி.மு.க. ஆட்சிதான், விரைவில் தமிழகம் மின்மிகை மாநிலமா மாறும், மின்தடை படிப்படியாகக் குறைக்கப்படும்’ - இதானே பாஸ்? என்னமோ போடா மாதவா!

டைம் பாஸ்

டைம் பாஸ் பண்ண அருமையான பதிவுகள்

rammalar wrote:டைம் பாஸ் பண்ண அருமையான பதிவுகள்

:”@: :”@: :”@: :flower: