கிரிமினல் வழக்கில் தொடர்புடைய எம்.பி., எம்.எல்.ஏக்கள் தேர்தலில் போட்டியிடத் தடை

கிரிமினல் வழக்கில் தொடர்புடைய எம். பி. எம். எல். ஏ. க்கள் தேர்தலில் போட்டியிட தடை விதிக்கும் சட்ட மசோதா தயாரிக்கப்பட்டுள்ளது.

ஏழு ஆண்டுகளுக்கு அதிகமான சிறை தண்டனை விதிக்க வகை செய்யும் குற்றங்கள் தொடர்பான வழக்குகளில் சம்பந்தப்பட்டுள்ள எம். பி., எம். எல். ஏ.க்கள் தேர்தலில் போட்டியிட தடை விதிக்கும் சட்ட மசோதா குளிர்கால கூட்டத்தொடரின் போது நாடாளுமன்றத்தில் தாக்கல் செய்யப்படும். இதனை மத்திய சட்ட அமைச்சர் கபில் சிபல் தெரிவித்துள்ளார் ஊழல் உள்ளிட்ட கிரிமினல் வழக்குகளில் குறைந்தபட்சம் 2 ஆண்டு சிறை தண்டனை பெறும் எம். பி. எம்.எல். ஏ.க்களின் பதவியை உடனடியாக பறிக்க வேண்டும் என அண்மையில் உச்சநீதிமன்றம் உத்தரவிட்டது. இதை எதிர்த்து மத்திய அரசு தாக்கல் செய்த மேன்முறையீட்டு மனுவும் தள்ளுபடி செய்யப்பட்டது.

இதன் காரணமாக கால்நடை தீவன வழக்கில் 5 ஆண்டு சிறை தண்டனை பெற்ற பீகார் முன்னாள் முதல்வர் லாலுபிரசாத் யாதவின் எம்.பி. பதவி பறிக்கப்பட்டது. அரசியலில் கிரிமினல்களின் ஆதிக்கத்தைக் கட்டுப்படுத்த குற்றப் பின்னணி கொண்ட அரசியல்வாதிகள் தேர்தலில் போட்டியிடத் தடை விதிக்க வேண்டும் என பல தரப்பிலிருந்து கோரிக்கைகள் எழுந்தன. இது தொடர்பாக மத்திய அரசு புதிய சட்டமசோதா ஒன்றை உருவாக்கியுள்ளது. இதன்படி 7 ஆண்டுகளுக்கு அதிகமாக சிறை தண்டனை பெறக்கூடிய வழக்குகள் தொடர்பான குற்றப்பத்திரிகையில் இடம்பெற்றுள்ள எம். பி. எம். எல். ஏக்கள் தேர்தலில் போட்டியிட தடை விதிக்கப்படும்.

இந்த சட்டமசோதா குறித்து மத்திய சட்ட அமைச்சர் கபில் சிபல் தனியார் தொலைக்காட்சி ஒன்றுக்கு பேட்டி அளித்தார். அப்போது சட்டக் கமிஷனின் அனுமதிக்காகக் காத்திருக்காமல் விரைவில் அமைச்சரவை ஒப்புதலுக்கு சட்ட மசோதா அனுப்பி வைக்கப்படும் என்றார். எதிர்வரும் டிசம்பர் 5ம் திகதி தொடங்கவுள்ளன. நாடாளுமன்ற குளிர்கால கூட்டத்தொடரில் மசோதா தாக்கல் செய்யப்பட்டு நிறைவேற்றப்படும் என்றார்.

தேர்தல் சீர்திருத்தங்கள் தொடர்பாக உச்சநீதமன்றம் பல்வேறு அதிரடி தீர்ப்புகளை அளித்து வரும் சூழ்நிலையில் குற்ற பின்னணி உள்ள எம்.பி., எம். எல். ஏக்கள் தேர்தலில் போட்டியிட தடைவிதிக்கும் சட்டமசோதாவை மத்திய அரசு உருவாகியிருப்பது குறிப்பிடத்தக்கது.

தினகரன்.

ஏற்கனவே இந்த சட்டம் இருந்து இருந்தால் நாடு எப்போதோ வளர்ச்சி அடைந்து இருக்குமே !* !* !*

Muthumohamed wrote:ஏற்கனவே இந்த சட்டம் இருந்து இருந்தால் நாடு எப்போதோ வளர்ச்சி அடைந்து இருக்குமே !* !* !*

!_ !_ 

நண்பன் wrote:

Muthumohamed wrote:ஏற்கனவே இந்த சட்டம் இருந்து இருந்தால் நாடு எப்போதோ வளர்ச்சி அடைந்து இருக்குமே !* !* !*

!_ !_ 

:”@: :”@: :”@: