இலங்கைச் சட்டத்தரணிகளுடன் மோதும் பொதுபலசேனா

by **Naseeb Mohammed** Wed 11 Jun 2014 - 13:15

ஜாதிக பல சேனா அமைப்பின் அழைப்பாளர் வட்டரக்கே விஜித தேரரின் சார்பில் ஆஜராகியிருந்த சட்டத்தரணி மைத்திரி குணரட்ன மீது கடும்போக்கு அமைப்பான பொது பல சேனாவின் செயலாளர் ஞானசார தேரர் நாய் என்று

கூறி கடுமையாக தூற்றியதாக இலங்கை சட்டத்தரணிகள் சங்க (BASE) த்திடமும் முறையிடப்பட்டுள்ளது .

இது தொடர்பில் கருத்துரைத்துள்ள இலங்கை சட்டத்தரணிகள் சங்கத்தின் தலைவர் உப்புல் ஜெயசேகர, இது தொடர்பில் சங்கத்திடம் முறையிடப்பட்டுள்ளது இது தொடர்பில் ஆராந்து வருகிறோம் குற்றசாட்டு உண்மையாயின் சட்டத்தரணிகள் சங்கம் ஞானசார தேரருக்கு எதிராக அவமதிப்பு குற்றச்சாட்டு வழக்கை தாக்கல் செய்யும் என தெரிவித்துள்ளார் .

இது தொடர்பில் சட்டத்தரணி மைத்திரி குணரட்ன ஏற்கனவே நீதிமன்றில் முறைப்பாடு செய்துள்ளார். இது தொடர்பில் கொம்பனித்தெரு பொலிஸார் விசாரணைகளை ஆரம்பித்துள்ளனர்எனவும் தெரிவிக்கப் படுகிறது . நீதிமன்றத்தில் வைத்து ‘நாயே’ என்று தன்னை அவமதித்ததாக வட்டரக்க விஜித்த தேரர் சார்பில் ஆஜரான சட்டத்தரணி மைதிரி குணரத்ன நீதவானின் கவனத்திற்கு கொண்டுவதிருந்தார் இதேன்போது சட்டத்தரணி மைத்திரி குணரட்ன மற்றும் நூர்தீன் ஆகியோர் அங்கு இருந்துள்ளனர் என தெரிவிக்கப்படுக்கிறது

இலங்கை சட்டத்தரணிகள் சங்கம் (BASE) சட்டமா அதிபர் பாலித பெர்னான்டோவுக்கு அனுப்பியிருந்த கடிதத்தில் பொதுபல சேனாவுக்கு எதிராக உடனடியாக உரிய நடவடிக்கை எடுக்கப்பட வேண்டும் என வலியுறுத்தி கேட்டுக்கொண்டுள்ளதுடன பொதுபல சேனாவினால் நாட்டில் சட்டம், வெளிப்படையான மீறப்படுகின்றது என்றும் அப்படியான சந்தர்ப்பங்களில் பொலிசார் சட்டம் வலியுறுத்தும் உரிய நடவடிக்கைகளை எடுக்க தவறியுள்ளனர் எனவும் குற்றம் சாட்டியிருந்தது என்பது குறிப்பிடத்தக்கது .

அதேவேளை இன்று பொது பல சேனா ஊடகவிலாளர் மாநாடு ஒன்றுக்கு அழைப்பு விடுத்துள்ளது .