யோகம் தரும் யோகா!

by **rammalar** Thu 26 Jun 2014 - 6:26

-
–
பரபரப்பான போட்டி மிகுந்த சவால்களோடு கூடிய இந்த வாழ்வை உடலாலும் மனத்தாலும் எதிர்கொள்ள இயற்கையின் சிறந்த வழிகாட்டுதல் யோகாதான் என்ற தெளிவோடு மூன்று வயதில் இருந்தே என் மகள்கள் மிதுனாஸ்ரீ, மித்ராஸ்ரீ ஆகியோருக்கு யோகா கற்றுக் கொள்ள ஏற்பாடு செய்தோம் என்கிறார் திருப்பூர் கல்லூரிச் சிக்கண்ணா சாலையில் வசிக்கும் சுதா திருமூர்த்தி.
-
திருப்பூர் பாரதி கிட்ஸ் கேந்திரலாயாவில் 7ம் வகுப்பில் படிக்கும் இந்த இரட்டையர்கள் முதலில் ஆரோக்கியத்துக்காக கற்றுக் கொள்ள ஆரம்பித்த யோகா இன்று இவர்களே இன்டர்நேஷனல் ஆசியன் யோகாப் போட்டிகளில் கலந்து கொள்ளும் அளவுக்கு உயர்த்தியுள்ளது.
-
தமிழ்நாடு யோகா, ஸ்போர்ட்ஸ், சேம்பியன் போட்டிகள், இந்தியன் யோகா ஒலிம்பிக் ஆசோசியேஷன் நடத்தும் ரேஸ்க் தேர்வுகள் இன்டர்நேஷனல் யோகா ஸ்பெஷல் பிரிவு போட்டிகள் என எந்தப் போட்டிகளிலும் தயங்காமல் கலந்து கொண்டு, அதற்குப் பரிசாக இவர்கள் பெற்றுள்ள கேடயங்கள், கோப்பைகள், மெடல்கள், சான்றிதழ்கள். வீட்டில் ஒரு பெரிய இடத்தையே நிறைத்துள்ளன.
-
“27வத தமிழ்நாடு யோகா ஸ்போர்ட்ஸ் கிளப் நடத்திய தமிழ்நாடு யோகா ரேஸ்க்கிங் ஆசியன் கோப்பை சேம்பியன் போட்டிகளின் தேர்வு பெற்று பேங்க்காங், தாய்லாந்து ஆகிய இடங்களில் நடைபெற உள்ள போட்டிகளுக்கு எங்களை செலக்ட் பண்ணியிருக்காங்க’ என்று மிதுனாஸ்ரீ பெருமிதம் பொங்க சொல்லி முடிக்கும் முன்பே “அந்தமான், நிக்கோபாரில் நடந்த இன்டர்நேஷனல் போட்டிகளில் பங்கேற்கவும் கூப்பிட்டு இருக்காங்க’ என்றார் மித்ராஸ்ரீ.
-
காலையில் 5.30 மணிக்கு எழுந்து சூரிய நமஸ்காரத்தை தொடர்ந்து முப்பது நிமிட நேரம் யோகாப் பயிற்சி. 7 லிருந்து 9 வரை படிப்பு. 9 மணியிலிருந்து 5 மணி வரை பள்ளியில் வழக்கமான படிப்பு. மாலை 5.30 முதல் 6 மணி வரை மீண்டும் யோகா. பிறகு இரவு 10 மணி வரை படிப்பு என அட்டவணைபடி செயல்படும் இந்த யோகா புத்ரிகளின் வாழ்வின் சகல யோகமும் தரவல்லது யோகாதானாம்.
-
இவர்களின் இலட்சியம் கனவுகள் ஐ.ஏ.எஸ்., ஐ.பி.எஸ்., ஆவதுதான். அதையும் இந்த யோகா துரிதமாய் வாங்கித் தரும் என்று தீர்க்கமாய் நம்புகின்றனர் இந்த யோக இரட்டையர்கள்.
-
———————————–
- கோவை ஆர். பாலா (கல்கி)

by **ராகவா** Thu 26 Jun 2014 - 7:38

இரவு முழுவதும் உறங்கிய உறக்கம் நம் மனத்தின் நினைவுகள் பலவற்றை அழித்திருக்கும் அல்லது அமைதி பெறச்செய்திருக்கும். எனவே, அப்போது மனதை ஒருமுகப்படுத்துவது எளிது. தூங்கி எழுந்தவுடனே உணர்வது மனது எண்ணங்களை ஏற்க தயாரான நிலையில் இருக்கும்.

எனவே அந்த நேரத்தில் மனதிற்கு கொடுக்கப்படும் உணர்வுகளே ஆழ்மனதில் நன்கு பதியும். சூரியோதத்திற்கு சில மணிகள் முன்னுள்ள வைகறைப்பொழுது தியானம் செய்யும் சாதகர்களுக்கு மிகவும் முக்கியமான நேரமாகும். தியானம் முடிந்த பிறகு சிறிது நேரம் ஆசனத்திலேயே அமர்ந்திருப்பது நல்லது.

வாழ்த்துக்கள் இருவரும் மேன்மேலும் வளர..

யோகம் தரும் யோகா!

யோகம் தரும் யோகா!

Re: யோகம் தரும் யோகா!