சட்டவிரோத குடியேற்றவாசிச் சிறுவர்களை கையாளுவதில் ஆஸிக்கு நெருக்கடி

by **நேசமுடன் ஹாசிம்** Sat 4 Jun 2011 - 6:01

இரு நாடுகளுக்கும் இடையிலான பரஸ்பர புரிந்துணர்வு உடன்படிக்கையின் கீழ் ஆஸியில் இருந்து மலேசியாவுக்கு அனுப்பப்படுகின்ற சட்டவிரோத குடியேற்றவாசிகள் 800 பேரில் சிறுவர்களும் உள்ளடக்கப்படுகின்றமைக்கு சர்வதேச மனித உரிமைகள் அமைப்புக்கள் பலத்த கண்டனம் வெளியிட்டு உள்ளன.

அரசியல் தஞ்சம் கோரி ஆஸ்திரேலியாவுக்கு சட்டவிரோதமாக படகுகளில் வருகின்ற சிறுவர்களில் கணிசமான தொகையினரும் மலேசியாவிடம் கையளிக்கப்படுவார்கள் என்று ஆஸியின் குடிவரவு அமைச்சர் கிறிஸ் போவன் தெரிவித்து இருந்தார்.

பெற்றோர் மற்றும் பாதுகாவலர்கள் இல்லாமல் தனியாக வருகின்ற சிறுவர்களும் கையளிக்கப்படுவார்கள் என்று உணர்த்தி இருந்தார்.

இவரது இப்பட்டி பலத்த சர்ச்சையை ஏற்படுத்தி உள்ளது.

சர்வதேச மன்னிப்புச் சபை உட்பட ஏராளமான மனித உரிமைகள் அமைப்புக்கள் சீறி எழுந்து உள்ளன.

மலேசியா அகதிகளை ஒழுங்காக நடத்துவது இல்லை என்றும் மலேசியாவிடம் கையளிக்கப்படுகின்ற சிறுவர்கள் குறிப்பாக பெண்களை அதிகாரிகள், வன்முறைக் கும்பல்கள் துஷ்பிரயோகம் செய்யக் கூடிய பேரபாய நிலை காணப்படுகின்றது என்றும் இவ்வமைப்புக்கள் அறிக்கையிட்டு உள்ளன.

எனவே சிறுவர்களை மலேசியாவிடம் கையளிக்கும் திட்டம் முற்றாக கை விடப்பட வேண்டும் என்று கேட்டு உள்ளன.