தியானம் - 8

by **Atchaya** Fri 8 Jul 2011 - 12:50

நம்மில் எத்தனை நண்பர்கள் தினம் தமக்காக ' இந்தத் தியானம் ' மேற்கொள்கின்றனர். ஒவ்வொருவரும் மாமனிதராக, மாற தியானம் அவசியம்.

தியானத்தில் உட்கார்ந்து பார்த்தேன். மனம் அலைபாய்ந்து கொண்டே இருக்கிறது. ஒரு நிலைப்படவே இல்லை. ஒரு குதிரையும் அடங்கவில்லை. ஏழு குதிரை எங்கே அடக்குவது?

சீ...சீ...இந்த பழம் புளிக்கும்....நமக்கு இதெல்லாம் சரிப்பட்டு வராது ...எண்ணம் ஏற்பட்டு விட்டதா?

இந்த எண்ணம் ஏற்படும் என்று தான் , தியானத்தின் போது, முதலில், நமது உடலை கட்டுபாட்டுக்குள் கொண்டுவரும், முத்திரைகள், கை விரலை கொண்டு செய்ய சொன்னேன்.

வேறு ஏதாவது வழி உள்ளதா?

இந்து மதத்தவர், இஸ்லாமிய நண்பர்கள் உட்பட அனைத்து மதவாதிகளும், ஒரு மணிமாலை வைத்துகொண்டு ஜபம் செய்வார்கள். உங்களுக்கேற்ற ஒரு ஜப மணி வாங்கி, வலது கையில், ஜப மணி மாலை கையில் எடுத்து 27 மணிகள்,கட்டை விரல் நுனி - ஆட்காட்டி விரல் நுனி , 27 மணிகள் கட்டை விரல் நுனி- நடு விரல் நுனி, இவ்வாறு கட்டை விரலுடன்,மற்றைய விரல் நுனிகளால் மணியை உருட்டுங்கள்.108 முறை மணி உருட்டியாகி விட்டது.

தியானம் கலைத்து எழுந்திருங்கள். உங்களின் அன்றாட கடமைகளை மேற்கொள்ளுங்கள். பாருங்கள்...நிறைய வித்தியாசங்கள் நீங்கள் உணர முடியும். தலை பாரம் வராது, உடல் சோர்வு வராது, அட முக்கியமாக கோபம் வராது. நிதானமாக தீர்க்கமாக முடிவு மேற்கொள்ள முடிகிறது. நன்றாக சாப்பிட முடிகிறது. நன்றாக தூங்க முடிகிறது...முக்கியமாக மனசு நிம்மதியாக இருக்கிறது...இதற்கு தானே நீங்கள் ஏங்கிக்கொண்டிருந்தீர்கள்? .....

(அடுத்த பகுதியில் முடியும்)

by **நண்பன்** Fri 8 Jul 2011 - 13:20

முக்கியமாக மனசு நிம்மதியாக இருக்கிறது...இதற்கு தானே நீங்கள் ஏங்கிக்கொண்டிருந்தீர்கள்?

முக்கியமாக இதுக்குத்தான் எல்லா அலைச்சலும்
மிகவும் பயணுள்ள பதிவு உறவே நனறி