மலையகத் தோட்டங்களுக்கு அதிரடிப் படை

மலையகத் தோட்டங்களுக்கு அதிரடிப் படை
எம். ஐ. நிஸாம்தீன், ஹட்டன் விசேட நிருபர்
மலையகப் பெருந் தோட்ட பகுதிகளில் நிலவும் பதற்ற நிலையைத் தணிக்கும் வகையில் தோட்டப் பகுதிகளுக்கு விசேட அதிரடிப் படையினரின் பாதுகாப்பு வழங்கப்படு மென மத்திய மாகாண பிரதிப் பொலிஸ் மாஅதிபர் நிஹால் சமரக்கோன் தெரிவித்தார். கிaஸ் மர்ம மனிதனின் அச்சத்தால் தோட்டங்களில் பெரும்பாதிப்பு ஏற்பட்டுள்ளது.

இதனைத் தவிர்க்கும் வகையில் நேற்று ஹற்றன் டி. கே. டபிள்யு கலாசார மண்டத்தில் மாநாடொன்று ஏற்பாடு செய்யப்பட்டது. இந்த மாநாட்டில் தோட்டத் துரைமார் சம்மேளனப் பிரதிநிதிகள் பெருந்தோட்ட தலைவர்கள், பொலிஸ் அதிகாரிகள், ஆகியோர் கலந்து கொண்டனர்.

இதில் சிறப்பதிதியாகக் கலந்து கொண்ட அமைச்சர் ஆறுமுகன் தொண்டமான் தோட்ட மக்களின் பாதுகாப்பை வலியுறுத்தினார்.

மலையக பெருந்தோட்டப் பகுதிகளில் தற்போது நிலவி வரும் மர்ம மனிதனின் பதற்ற நிலைக்கு உடனடித் தீர்வை பெற்றுக் கொடுக்கும் வகையில் இராணுவப்பாதுகாப்பு அல்லது பொலிஸ் பாதுகாப்பை வழங்குவதற்கு அரசாங்கம் நடவடிக்கை எடுக்க வேண்டுமென்று கால்நடை வள மற்றும் கிராமிய, சமூக அபிவிருத்தி அமைச்சர் ஆறுமுகன் தொண்டமான் வேண்டுகோள் விடுத்தார்.

அமைச்சர் தொடர்ந்து உரையாற்றும் போது பேசுகையில், மர்ம மனிதரினால் மக்கள் பல்வேறு அசெளகரியங்களுக்கு மத்தியில் வாழ்ந்து வருகின்றனர். இந்த நிகழ்வானது தடுத்து நிறுத்தப்படாது தொடர்ந்து கொண்டு செல்லும் போது மலையகத்தில் உள்ள இளைஞர்கள் தங்கள் குடும்பங்களையும், சொத்துக்களையும் பாதுகாத்துக் கொள்வதற்காக ஆயுதங்களை கையில் எடுக்க வேண்டிய சந்தர்ப்பத்தை ஏற்படுத்திக் கொடுக்கக் கூடாது. இதனை தடுத்து நிறுத்துவதற்காக பொலிஸாரும், இராணுவத்தினரும் மக்களுக்கு தேவையான பாதுகாப்பை உறுதி செய்ய வேண்டும்.