பலத்த பாதுகாப்புடன் சென்னையில் 7 வாக்குசாவடிகளில் மறு ஓட்டுப்பதிவு

சென்னை மாநகராட்சி தேர்தலில் வன்முறை மற்றும் முறைகேடு சம்பவங்கள்
நடந்ததால் 7 வாக்குச்சாவடிகளில் மறு தேர்தல் நடைபெறும் என்று தேர்தல்
ஆணையம் அறிவித்தது.

அதன்படி 103-வது வார்டுக்கு
உட்பட்ட கீழ்ப்பாக்கம் ரிசர்வ் வங்கி ஊழியர் குடியிருப்பு
தொடக்கப்பள்ளியில் வாக்குச்சாவடி எண்கள் 1730 (ஆண்கள்), 1730 (பெண்கள்),
1731 (அனைத்து வாக்காளர்கள்). 104-வது வார்டுக்கு உட்பட்ட புரசைவாக்கம்
சுந்தரம் தெருவில் உள்ள மாநகராட்சி நடுநிலைப்பள்ளியில் வாக்குச்சாவடி
எண்கள் 1740 (ஆண்கள்), 1743 (ஆண்கள்), 1746 (அனைத்து வாக்காளர்கள்).
107-வது வார்டுக்கு உட்பட்ட சேத்துப்பட்டு மெக்னிகல் ரோட்டில் உள்ள
அவர்லேடி பள்ளியில் வாக்குச்சாவடி எண் 1836 (பெண்கள்) ஆகிய 7
வாக்குச்சாவடிகளிலும் இன்று காலை 7 மணிக்கு ஓட்டுப்பதிவு தொடங்கியது.

மறு
வாக்குப்பதிவு நடப்பதையொட்டி அந்த பகுதிகளில் நேற்று ஆட்டோக்களில்
ஒலிபெருக்கி மூலம் அறிவிக்கப்பட்டது. கடந்த 17-ந் தேதி இந்த
வாக்குச்சாவடிகளில் பணிபுரிந்த ஊழியர்களுக்கு பதிலாக புதிய ஊழியர்கள்
தேர்தல் பணியில் ஈடுபடுத்தப்பட்டனர்.

ஏற்கனவே இந்த
பகுதியில் உள்ள வாக்காளர்கள் மீண்டும் வாக்களிப்பதால் இன்று நடுவிரலில்
அழியாத “மை” வைக்கப்பட்டது. மறு ஓட்டுப்பதிவு நடைபெற்ற அனைத்து
வாக்குச்சாவடிகளிலும் காமிரா பொருத்தப்பட்டுள்ளது.
வாக்குப்பதிவு
நடைபெற்ற 7 வாக்குச்சாவடி களிலும் பலத்த பாதுகாப்பு ஏற்பாடுகள்
செய்யப்பட்டுள்ளது. ஒவ்வொரு வாக்குச்சாவடியிலும் ஒரு இன்ஸ்பெக்டர்
தலைமையில் துப்பாக்கி ஏந்திய போலீசார் பாதுகாப்பு பணியில்
ஈடுபட்டுள்ளார்கள். உதவி கமிஷனர் மற்றும் துணை கமிஷனர்கள் கண்காணிப்பு
பணியில் உள்ளனர்.

தேர்தலை மேற்பார்வையிடுவற்காக மைக்ரோ அப் சர்வராக மத்திய அரசு அதிகாரி ஒருவர் நியமிக்கப்பட்டுள்ளார்.

தேர்தல் பொதுவா அமைதியா நடக்கவில்லை,இதிலிருந்து தெரிகிறது.தேர்தல் கமிஷன் ஆளும் கட்சிக்கு .........