தமிழக சட்ட சபை ஜனவரி 18ல் கூடுகிறது

தமிழக சட்ட சபை ஜனவரி 18ல் கூடுகிறது
தமிழக சட்ட சபை ஜனவரி 18ம் திகதி கூடுகிறது. கவர்னர் பேரவையில் உரை நிகழ்த்துகிறார் தமிழக சட்டப் பேரவையின் 2012ம் ஆண்டிற்கான முதல் கூட்டம் ஜனவரி 18ம் திகதி புதன்கிழமை காலை 10 மணிக்கு செயின்ட் ஜார்ஜ் கோட்டையில் உள்ள சட்ட சபை கூடத்தில் நடக்கிறது. இதற்கான உத்தரவை கவர்னர் ரோசய்யா நேற்று பிறப்பித்துள்ளார். இந்த தகவலை சட்ட சபையின் செயலாளர் ஏ.எம்.பி. ஜமாலுதீன் நேற்றுமுன்தினம் வெளியிட்டுள்ள அறிக்கையில் தெரிவித் துள்ளார்.

முல்லைப் பெரியாறு அணை பிரச்சினையில் தமிழகம் ஒன்றுபட்டுள்ளது என்பதை உறுதிப்படுத்த தமிழக சட்ட சபையின் சிறப்பு கூட்டம் கடந்த 15ம் திகதி நடந்தது. இதையடுத்து பேரவைக் கூட்டம் மறு திகதி குறிப்பிடாமல் ஒத்திவைப்பதாக பேரவைத்தவைர் டி. ஜெயகுமார் அறிவித்தார். இந்நிலையில், 2012ம் ஆண்டிகான சட்டப் பேரவையின் முதல் கூட்டம் ஜனவரி 18ம் திகதி தொடங்குகிறது. தமிழக கவர்னராக கடந்த ஆகஸ்ட் மாதம் பொறுப்பேற்றுக் கொண்ட கவர்னர் ரோசய்யா முதல் முறையாக சட்ட சபையில் உரை நிகழ்த்த இருக்கிறார்.

தமிழக அரசு கடந்த ஆண்டில் செயல்படுத்திய திட்டங்கள், நடைபெற்று வரும் வளர்ச்சிப் பணிகள், புதிய அறிவிப்புகள் ஆகியவை கவர்னர் உரையில் இடம்பெறும். முல்லைப் பெரியாறு அணை, கூடங்குளம் உள்ளிட்ட பிரச்சினைகளில் அரசின் அணுகு முறை குறித்தும் கவர்னர் தனது உரையில் குறிப்பிடுவார்.

இதைத் தொடர்ந்து சபைக் கூட்டம் ஒத்திவைக்கப்படும். அன்றைய தினமே சட்ட சபையின் அலுவல் ஆய்வுக்குழு கூடி பேரவை கூட்டத்தை எத்தனை நாட்கள் நடத்துவது என விவாதித்து முடிவு செய்யும். அதன்படி கவர்னர் உரைக்கு நன்றி தெரிவிக்கும் தீர்மானத்தின் மீது பேரவையில் விவாதம் நடைபெறும். விவாதத்திற்கு முதல்வரின் பதில் உரைக்கு பின்னர் மறு திகதி குறிப்பிடாமல் கூட்டத்தை பேரவைத் தலைவர் ஜெயகுமார் ஒத்திவைப்பார். இதையடுத்து தமிழக அரசின் 2012-2013ம் ஆண்டிற்கான பட்ஜெட் பெப்ரவரி அல்லது மார்ச் முதல் வாரத்தில் தாக்கல் செய்யக் கூடும்.

பூகம்பம் அடங்கப்
புயல் வந்திடிச்சி...!!!