தொடர் உடல் நலக்குறைவால் அவதி: அன்னா ஹசாரே ஆஸ்பத்திரியில்

தொடர் உடல் நலக்குறைவால் அவதி: அன்னா ஹசாரே ஆஸ்பத்திரியில்
தொடர் உடல் நலக்குறைவால் அவதிப் பட்டு வரும் அன்னா ஹசாரே புனே ஆஸ்பத்திரியில் அனுமதிக்கப்பட்டார். அங்கு அவர் 5 நாட்கள் தங்கி இருந்து சிகிச்சை பெறுவார் என அறிவிக்கப்பட்டுள்ளது.

சமூக நல ஆர்வலரும், காந்தியவாதியுமான அன்னா ஹசாரே கடந்த 8 நாட்களாக காய்ச்சல், சளி, இருமல் தொல்லையால் அவதிப்பட்டு வருகிறார்.

இந்த உடல் நலக்குறைவுடன்தான் அவர் வலிமையான லோக்பால் சட்டம் இயற்ற வலியுறுத்தி மும்பையில் கடந்த 27 ஆம் திகதி தனது 3 நாள் உண்ணாவிரதத்தை தொடங்கினார். ஆனால் உடல் நலக்குறைவு தொடரவே இரண்டாம் நாளிலேயே தனது உண்ணா விரதத்தை அவர் முடித்துக்கொண்டார்.

29ம் திகதி அவர் மும்பையிலிருந்து தனது சொந்தக்கிராமமான ராலேகான் சித்திக்கு திரும்பி னார். ஆனாலும் அவரது உடல் நிலையில் மாற்றம் இல்லை. இதனால் அவர் தனது ஆதரவாளர்களையோ கிராம மக்களையோ சந்திக்க வில்லை.

இந்த நிலையில் அவர் கடுமையான மார்புச்சளி தொல்லையால் சிரமப்பட்டார். இதையடுத்து புனே நகரில் உள்ள சான்ஷெட்டி எலும்பு நலம் மற்றும் மறுவாழ்வு ஆஸ்பத்திரியில் ஹசாரே நேற்று சேர்க்கப்பட்டார்.

அங்கு அதிநவீன வசதிகள் நிறைந்த சூப்பர் டீலக்ஸ் வார்டில் வைத்து ஹசா ரேயை டாக்டர் பராக் சான்ஷெட்டி தலை மையிலான டாக்டர் குழுவினர் கவனித்து வருகின்றனர். 74 வயதாகும் ஹசாரேயின் உடல் நிலை குறித்து டாக்டர் பராக் சான் ஷெட்டி கூறியதாவது:

ஹசாரேவுக்கு அழற்சி நீக்க மருந்துகள். இருமல் மருந்துகள், நோய் எதிர்ப்பு சக்தி மருந்துகள் தரப்படுகின்றன. அவர் குறை ந்த பட்சம் 5 நாட்களாவது ஆஸ்பத்திரியில் தங்கி இருக்க வேண்டும். தற்போது அவரது உடல் நிலை துரிதமாக தேறி வருகிறது.