அமெரிக்கா - யூரோசியா வடதுருவத்தில் இணைவு விஞ்ஞானிகள் கணிப்பு

அமெரிக்கா - யூரோசியா வடதுருவத்தில் இணைவு விஞ்ஞானிகள் கணிப்பு
அமெரிக்கா மற்றும் யூரேசியா கண்டங்கள் இன்னும் 50 முதல் 200 மில்லியன் ஆண்டுகளில் வட துருவத்தில் ஒன்றிணையும் என விஞ்ஞானிகள் குறிப்பிட்டுள்ளனர். அதேபோன்று ஆபிரிக்க மற்றும் அவுஸ்திரேலிய கண்டங்கள் ஒன்றிணைந்து புதிய கண்டம் உருவாகும் என கணிக்கப்பட்டுள்ளது.

எதிர்காலத்தில் நிகழவுள்ள கண்ட நகர்வுகள் குறித்து யாலே பல்கலைக்கழக விஞ்ஞானிகள் ஆய்வு நடத்தியுள்ளனர். இந்த ஆய்வுகளின் விபரம் ‘நேச்சர்’ இதழில் வெளியாகியுள்ளது.

மென்கொவெ என்ற பிரமாண்டமான கண்டம் 300 மில்லியன் ஆண்டுகளுக்கு முன்னர் ஏற்பட்ட கண்ட நகர்வினால் தற்போதைய உலக வரை படம் உருவாகியுள்ளதாக கருதப்படுகிறது. இவ்வாறே நிலத்தட்டுகள் தற்போது நகர்ந்த வண்ணமே உள்ளதாக விஞ்ஞானிகள் கண்டறிந்துள்ளனர்.

இந்த நிலையில் எதிர்காலத்தில் ஏற்படவுள்ள கண்ட நகர்வுகள் குறித்து புவியியல் ஆய்வாளர்கள் கணித்துள்ளனர். இதன்படி ஐரோப்பிய, ஆசிய கண்டங்கள் நகர்ந்து அமெரிக்க கண்டத்துடன் இணைய வாய்ப்பு உள்ளதாக கருதப்படுகிறது. அதேபோன்று இன்னும் 200 மில்லியன் ஆண்டுகளுக்குள் அவுஸ்திரேலியா, ஆபிரிக்க கண்டங்கள் இணையும் என விஞ்ஞானிகள் கூறியுள்ளனர்.

:flower: :flower: