மேற்கு வங்காளம்: சாரதா சீட்டு நிறுவனத்தில் முதலீடு செய்த மேலும் ஒருவர் தற்கொலை

கொல்கத்தா, ஏப். 28-

கொல்கத்தாவை தலைமையிடமாக கொண்டு இயங்கி வந்த சாரதா சிட்பண்ட் நிறுவனம் மேற்குவங்காளம், ஜார்க்கண்ட், அசாம் உள்ளிட்ட வடக்கு மற்றும் வடகிழக்கு மாநிலங்களில் ஏராளமான கிளைகளை தொடங்கியது. இந்த நிறுவனத்தை பிரபல தொழில் அதிபர் சுதிப்தா சென் நடத்தி வந்தார். இவருக்கு "சிட்பண்ட்" தவிர சாரதா ரியால்டி உள்பட 100-க்கும் மேற்பட்ட துணை நிறுவனங்கள் உள்ளன. இவற்றில் முறைகேடுகள் நடப்பதாக புகார்கள் எழுந்தன.

இதையடுத்து, ரியால்டி நிறுவனத்தில் முதலீடு செய்தவர்கள் பணத்தை திருப்பி தருமாறு கூறினார்கள். மேலும் முதலீட்டாளர்களுக்கு வழங்கப்பட்ட செக்குகள் வங்கியில் பணம் இல்லாமல் திரும்பிவிட்டன. இதனால் பீதி அடைந்த முதலீட்டாளர்கள் ஒரே நேரத்தில் முற்றுகையிட்டதால் நிறுவனங்கள் மூடப்பட்டன. கம்பெனி மூடப்படும் முன் சிட்பண்ட் அதிபர் சுதிப்தா சென் கொல்கத்தாவை விட்டு தப்பி ஓடி விட்டார். அவரை கைது செய்ய முதல்-மந்திரி மம்தா பானர்ஜி உத்தரவிட்டார்.

இதையடுத்து 2 நாட்களுக்கு பின் காஷ்மீரில் தலைமறைவாக இருந்த சுதிப்தா சென்னை போலீசார் கைது செய்து கொல்கத்தா கொண்டு வந்தனர். அவருடன் இந்த மோசடி தொடர்பாக மேலும் 5 பேர் கைது செய்யப்பட்டுள்ளனர். 2 1/2 லட்சம் முதலீட்டாளர்கள் இந்த நிறுவனத்தில் சேமித்து வைத்த மொத்த முதலீட்டு தொகை ரூ.2,000 கோடி என்று தெரிவிக்கப்பட்டுள்ளது. நிறுவனம் மூடப்பட்டதால் அவர்கள் தவிப்புக்குள்ளாகி இருக்கிறார்கள்.

சாரதா நிதி நிறுவனத்தில் ரூ.30 ஆயிரம் முதலீடு செய்து ஏமாந்த ஊர்மிளா பிரமானிக் (50) என்ற பெண் கடந்த வாரம் தீக்குளித்து தற்கொலை செய்துக்கொண்டார்.

இந்நிலையில், புருலியா பகுதியில் உள்ள பல்ராம்பூரை சேர்ந்த சுவபன் குமார் பிஸ்வாஸ் (36) என்பவர் நேற்று தனது வீட்டில் தூக்கிட்டு தற்கொலை செய்துக்கொண்டார்.

தனது சேமிப்பு பணமான ரூ.4 லட்சத்தை சாரதா நிறுவனத்தில் முதலீடு செய்திருந்த அவர், அந்நிறுவனம் திவாலான செய்தியை அறிந்த பிறகு சில நாட்களாக மன உளைச்சலுக்கு ஆளாகி இருந்ததாகவும், வீட்டில் யாருமில்லாத நேரத்தில் தற்கொலை செய்துக்கொண்டதாகவும் அவரது குடும்பத்தினர் தெரிவித்தனர்.

மாலைமலர்

அரசு நடவடிக்கை எடுக்குமா ?

தகவலுக்கு நன்றி அண்ணா