மோடியின் வருகை சீன - இலங்கை உறவை பாதிக்காது'

by **நண்பன்** Mon 16 Mar 2015 - 9:28

மோடியின் வருகை சீன - இலங்கை உறவை பாதிக்காது'

இந்தியப் பிரதமர் நரேந்திர மோடியின் இலங்கை விஜயம் சீன - இலங்கை உறவை பாதிக்காதெனவும் மாறாக அவ்வுறவை வலுப் பெறச் செய்யுமென்றும் சீனாவின் உத்தியோகபூர்வ செய்தி ஸ்தாபனமான சின்ஹுவா செய்தி வெளியிட்டுள்ளது.
சீனா, இலங்கை மீது வைத்துள்ள செல்வாக்கை குறைக்கும் விதமாகவே மோடியின் இலங்கை விஜயம் அமைந்திருப்பதாக சில வெளிநாட்டு ஊடகங்கள் எல்லை அரசியல் மற்றும் மோதல் நிலைமைகளை மாத்திரமே கவனத்திற் கொண்டு குறுகிய மனப் பான்மையுடன் செய்திகளை வெளி யிட்டிருப்பதாக சின்ஹுவா செய்தியாளரான சன் டிங் கூறியுள்ளார்.
துரித அபிவிருத்தி பொருளாதாரம் கொண்ட இலங்கை - சீன உறவுகளை சீர்குலைக்கும் வகையிலும் பீஜிங், இலங்கை மீது கொண்டுள்ள செல்வாக்கை குறைப்பதற்குமே புதுடில்லி முயற்சிகைள மேற்கொண்டிருப்பதாகவும் அதன் வெளிப்பாடாகவே 1987 ம் ஆண்டிற்குப் பின்னர் இந்தியப் பிரதமரொருவர் இலங்கைக்கு விஜயம் செய்திருப்பதாகவும் வெளிநாட்டு ஊடகங்கள் கூறியிருப்பதாக அவர் சுட்டிக் காட்டினார்.
எது எவ்வாறான போதும் இலங்கை சீன உறவு மென்மேலும் பலம் பெறுமே தவிர எந்த வகையிலும் பாதிப்படையாது என்றும் இந்த எழுத்தாளர் குறிப்பிட்டுள்ளார்.
இலங்கையில் புலிகளுக்கெதிராக நீண்ட காலமாக இடம்பெற்று வந்த மோதல் களால் பிரச்சினைகளுக்கு உள்ளாகியிருந்த இலங்கை - இந்திய உறவு மீண்டும் சுமு கமாக மாறியிருப்பதனை சீனா வர வேற்கின்றது.
சீனா, அயல் நாடுகளிடையே பொதுவான அபிவிருத்தி, சமத்துவம் மற்றும் ஒத்துழைப்பு அடிப்படையிலான சந்திப்புகளை ஊக்குவிக்கின்றது.
அந்த வகையில் சீனா, தொடர்ந்தும் அர்ப்பணிப்புடன் இலங்கையுடனான உறவை முன்னெடுத்துச் செல்லும்.
இதேவேளை, சீனா, இந்தியா மற்றும் இலங்கை தலைவர்கள் இந்த நாடு களுக்கிடையிலான உறவை சரியான பாதையில் ஆரோக்கியமாக கொண்டு செல்ல வழிசமைப்பரென நம்பப்படுகிறது என்றும் அந்த எழுத்தாளர் குறிப்பிட்டுள்ளார்.

தினகரன்