கடாபி வீடு மீது மீண்டும் குண்டு வீசித் தாக்குதல்

by **நண்பன்** Wed 23 Mar 2011 - 14:13

லிபியா
மீது அமெரிக்க கூட்டு படைகள் தொடர்ந்து விமான தாக்குதல் நடத்தி வருகின்றன.
தலைநகரம் டிரிபோலியில் உள்ள கடாபி மாளிகை மீது நேற்று இரவு மீண்டும்
குண்டு வீசப்பட்டன.ஏவுகணையை வீசி மாளிகை மீது தாக்குதல் நடத்தப்பட்டது.
இதில் மாளிகையின் இன்னொரு பக்க சுவர் இடிந்து விழுந்தது. இதற்கிடையே
போராட்டக்காரர்கள் பிடியில் இருக்கும் லிபியாவின் 2 வது பெரிய நகரமான
பெங்காசியில் அமெரிக்காவின் எப் 15ஜி ரக போர் விமானம் பறந்து
கொண்டிருந்தது.
நேற்று திடீரென அங்குள்ள வயல்வெளியில் விழுந்து நொறுங்கியது. அதில்
விமானி உள்பட 2 பேர் இருந்தனர். அவர்கள் புத்திசாலிதனமாக வெளியே குதித்து
உயிர் தப்பினர். தற்போது அவர்கள் இருவரும் நலமுடன் உள்ளனர்.
இந்த விபத்துக்கு எந்திர கோளாறுதான் காரணம் என கூறப்பட்டுள்ளது.
இதற்கிடையே கடாபியின் ஆதரவாளர்களுக்கும், புரட்சி படையினருக்கும் இடையே
அஜ்தாபியா, மிஸ்ரதா நகரங்களில் கடும் துப்பாக்கி சண்டையும், குண்டுவீச்சும்
நடைபெற்று வருகிறது.