சங்கரராமன் கொலை வழக்கு - தனக்கு தொடர்பில்லை என ஜெயேந்திரர் மீண்டும் வலியுறுத்து

சங்கரராமன் கொலை வழக்கு தொடர்பில் புதுச்சேரிசெஷென்ஸ் நீதிமன்றில் இன்று நடைபெற்ற விசாரணைக்கு காஞ்சி மடாதிபதி ஜெயேந்திரர் மற்றும் விஜயயேந்திரர் உள்ளிட்டோர் ஆஜரானார்கள்.



அவர்களிடம் நடைபெற்ற குறுக்குவிசாரணையில், சங்கரராமன் கொலைக்கும், தனக்கும் எந்தவித தொடர்பும் இல்லை என ஜெயேந்திரர் திட்டவட்டமாக மறுப்பு தெரிவித்தார். அவரிடம் சுமார் 550 க்கு மேற்பட்ட கேள்விகள் கேட்கப்பட்டன. அத்தனைக்கும் அவர் பொறுமையாக பதில் அளித்து மறுப்பு தெரிவித்தார்.

இதே போன்று இன்று நீதிமன்றில் ஆஜரான 24 பேரிடமும் குறுக்கு விசாரணை நடந்தது. இதையடுத்து நாளை வழக்கு ஒத்திவைக்கப்பட்டுள்ளது.
கடந்த 2004ம் ஆண்டு வரதராஜ பெருமாள் கோவில் மேலாளரான சங்கரரமன், கோவில் அலுவலகத்தில் வைத்து படுகொலை செய்யப்பட்டார்.
இதில் ஜெயேந்திரர், விஜேந்திரர் ஆகியோருக்கு தொடர்பிருப்பதாக, குற்றம் சுமத்தப்பட்டதால், அவர்கள் கைது செய்யப்பட்டு பின்னர் ஜாமீனில் விடுதலையாகினர்.

உச்சநீதிமன்ற உத்தரவு படி கடந்த 2009 ஆண்டு முதல், புதுச்சேரி நீதிமன்றில் இவ்வழக்கு விசாரணை நடைபெற்று வருகிறது.