மிஸ் மாற்று திறனாளி’ மியான்மரில் அழகி போட்டி

by **நண்பன்** Sat 30 Jul 2011 - 11:00

மிஸ் மாற்று திறனாளி’
மியான்மரில்
அழகி போட்டி

யாங்கூன்:

மிஸ் மாற்று திறனாளி’ மியான்மரில் அழகி போட்டி W2

உலகில் இதுவரை இல்லாத புதிய முயற்சியாக மாற்று திறனாளிகளின் திறமைகளை ஊக்குவிக்கும்
வகையில் மியான்மர் நாட்டின் யாங்கூன் நகரில் ‘மிஸ் மாற்று திறனாளி’ அழகி போட்டி
அடுத்த மாதம் 20 ஆம் திகதி நடக்கிறது. இதுபற்றி மியான்மர் மாற்று திறனாளிகள் சங்கம்
வெளியிட்ட அறிக்கையில் கூறியதாவது :
யாங்கூன் நகரின் துவன்னா உள்ளரங்கில் ஓகஸ்ட் 20 ஆம் திகதி மாற்று திறனாளிகளுக்கான
அழகி போட்டி நடைபெறும். அதில் 18 வயது முதல் 30 வயதுக்கு உட்பட்ட திருமணமாகாத மாற்று
திறனாளி இளம்பெண்கள் பங்கேற்கலாம்.
இதன் மூலம் மாற்று இறனாளிகளின் மன உறுதி, நம்பிக்கை வெளிப்படும் என்பதால் இதுவரை
இல்லாத புதுமையான அழகி போட்டிக்கு ஏற்பாடு செய்யப்பட்டுள்ளது. எங்கள் சங்கத்தில்
3,000 உறுப்பினர்கள் உள்ளனர்.

அவர்களை ஊக்கப்படுத்தும் விதமாக இதுவரை வேடிக்கை
போட்டிகள், வினாடி வினா, ஓவிய போட்டி ஆகியவை நடத்தியுள்ளோம். மாற்று திறனாளி இளம்
பெண்களின் திறமையை வெளிப்படுத்தும் வகையில் இப்போது அழகி போட்டி நடத்தப்படுகிறது.
இவ்வாறு அந்த அறிக்கையில் கூறப்பட்டுள்ளது.