மீண்டும் கிரிக்கெட்டுக்கு திரும்ப சானியா தான் காரணம்

மீண்டும் கிரிக்கெட்டுக்கு திரும்ப சானியா தான் காரணம்



சுஐப் மலிக்

பாகிஸ்தான் கிரிக்கெட் அணியின் முன்னாள் தலைவர் சுஐப் மலிக் அந்த அணியில் இருந்து
ஓராண்டு காலமாக ஓரங்கட்டப்பட்டிருந்தார். கடந்த ஆண்டு ஆகஸ்ட் மாதம் நடந்த
இங்கிலாந்து தொடரின் போது இவருக்கும் சூதாட்டத்தில் தொடர்பு இருக்கலாம் என்ற சந்தேக
பார்வை விழுந்ததால் அவர் மீது பாகிஸ்தான் கிரிக்கெட் சபையின் ஒருங்கிணைப்பு கமிட்டி
விசாரணை நடத்தியது.

அவரது சொத்து மதிப்பு வங்கி கணக்கு விவரங்களையும் ஆய்வு செய்தது.
இதன் முடிவில் அவர் மீது எந்த தவறும் இல்லை என்று அந்த கமிட்டி அறிவித்தது. அதன்
தொடர்ச்சியாக ஜிம்பாப்வேக்கு எதிரான தொடருக்கான பாகிஸ்தான் அணியில் மாலிக் மீண்டும்
சேர்க்கப்பட்டு இருக்கிறார்.
இது பற்றி சுஐப் மலிக் கூறுகையில்; ஏற்ற இறக்கங்கள் வாழ்க்கையின் ஒரு பகுதி. அவற்றை
சமாளிக்க மனரீதியாக தைரியமாக இருக்க வேண்டும். எனக்கும் கடந்த ஆண்டு மிகவும்
கடினமாக இருந்தது. இந்த கஷ்டமான காலகட்டத்தில் இருந்து மீண்டு வர எனது மனைவி சானியா
மிர்சா உதவிகரமாக இருந்தார்.

அவர் கடந்த 10 ஆண்டுகளாக சர்வதேச டென்னிஸ் விளையாடி
வருகிறார். அவரும் டென்னிஸ் வாழ்க்கையில் ஏற்றத்தாழ்வுகளை சந்தித்து இருக்கிறார்.
அதன் மூலம் அவர் நிறைய அனுபவம் பெற்றிருக்கிறார். அவரது அனுபவபூர்வமான அறிவுரைகள்
விலைமதிப்பற்றவை. அவர் எனக்கு மிகச்சிறந்த வாழ்க்கை துணைவியாக இருக்கிறார். எனக்கு
இப்போது 29 வயது ஆகிறது. இன்னும் 6 முதல் 8 ஆண்டுகள் கிரிக்கெட் விளையாட முடியும்
என்று நம்புகிறேன் என்றார்.

அப்படி போடு .

வாழ்த்துகள் தொடரட்டும் :#): :#): :{*:

சானியா நல்ல மனைவியாக இருப்பது நல்ல விஷயம்தான்