அமெரிக்கப் புகார் எதிரொலி: தளபதிகளை சந்தித்தார் கயானி

அமெரிக்கப் புகார் எதிரொலி: தளபதிகளை சந்தித்தார் கயானி



பாகிஸ்தான் இராணுவத்தின் தலைமைத் தளபதி ஜெனரல் அஷ்ஃபாக் பர்வேஸ் கயானி,
ஞாயிற்றுக்கிழமை இராணுவத் தளபதிகளுடனான சிறப்புக் கூட்டத்தைக் கூட்டினார்.
பாகிஸ்தான் இராணுவத்தின் உயர்நிலை அதிகாரிகள் கலந்துகொண்ட இந்தக் கூட்டத்தில்,
பயங்கரவாத அமைப்புகளுடன் பாகிஸ்தான் தொடர்பு கொண்டிருப்பதாக அமெரிக்கா தெரிவித்த
கருத்து குறித்து விவாதிக்கப்பட்டது. மேலும் இத்தகைய பின்னடைவான சூழலில்
மேற்கொள்ளப்பட வேண்டிய பாதுகாப்பு ஏற்பாடுகள் குறித்தும் ஆலோசிக்கப்பட்டது.
ராவல்பிண்டியில் உள்ள இராணுவத் தலைமையகத்தில் நடைபெற்ற இந்தச் சிறப்புக் கூட்டத்தில்
அனைத்து உயர்நிலை அதிகாரிகளும் கலந்து கொண்டதாக பாகிஸ்தான் இராணுவத்தின் செய்திக்
குறிப்பு தெரிவித்தது.
ஆப்கன் தலைநகர் காபூலில் உள்ள அமெரிக்கத் தூதரகத்தின் மீது செப்டம்பர் 13 ஆம் திகதி
தாக்குதல் நடத்தப்பட்டது. இந்தத் தாக்குதலில் பாகிஸ்தானின் உளவு அமைப்பான ஐ. எஸ்.
ஐ. அமைப்புக்குத் தொடர்பு உள்ளதாக அமெரிக்க இராணுவத் தலைமைத் தளபதி மைக் முல்லன்
குற்றம் சாட்டியதை அடுத்தே இந்த உயர்நிலைக் கூட்டம் கூட்டப்பட்டது.

:!+: :!+: