இனி அல்ட்ராபுக் கணணிகள் தான்

இந்த ஆண்டின் இறுதிவரை டேப்ளட் பிசிக்கள் குறித்து அதிகம் பேசப்பட்டாலும், வரும் 2012 ஆம் ஆண்டு அல்ட்ராபுக் கணணிகள் தான் பிரபலமாகும் வாய்ப்புகள் உருவாகி வருகின்றன.
அல்ட்ரா புக் என்பது ஒரு மடிக்கணணி. இதன் தடிமன் 20 மி.மீ(0.8 அங்குலம்), இதில் ஆப்டிகல் ட்ரைவ் இருக்காது, கோப்புகள் அனைத்தும் சாலிட் ஸ்டேட் ட்ரைவில் தான் பதியப்பட்டு பாதுகாக்கப்படும், இதில் ஐ5 மற்றும் ஐ7 கோர் ப்ராசசர்கள் மட்டுமே பயன்படுத்தப்படும்.


எடை 1.4 கிலோவிற்கும் குறைவாக இருக்கும், இதன் பற்றரி 5 முதல் 8 மணி நேரம் வரை தொடர்ந்து மின்சக்தியினை வழங்கத்தக்கதாக இருக்கும்.
லெனோவா, அசூஸ், ஏசர், எச்.பி. நிறுவனங்கள் இதனைத் தயாரித்து ஐரோப்பா மற்றும் அமெரிக்க நாடுகளில் விற்பனைக்குக் கொண்டு வந்துள்ளன. பி.சி லேப்டாப் தயாரிக்கும் நிறுவனங்கள் அனைத்துமே இந்தப் பிரிவில் இயங்கத் தங்களைத் தயார்படுத்தி வருகின்றன.
மடிக்கணணிகள் பிரிவில் 2012ல் விற்பனை செய்யப்படும் கணணிகளில் 40% அல்ட்ராபுக் கணணிகளாகத்தான் இருக்கும் என இன்டெல் கணித்துள்ளது. இது ஆப்பிள் நிறுவனத்தின் மேக்புக் ஏர் என்ற வகை கணணிகளுக்குப் போட்டியாக இருக்கும்.
எடுத்துச் செல்ல வசதியாக குறைந்த எடை, குறைவான அகல, நீள, தடிமன் பரிமாணங்கள் ஆகியவற்றினால் அல்ட்ரா புக் கணணிகள் மக்களிடம் இடம் பிடிக்கும் வாய்ப்புகள் அதிகம்.
மேலும் மேக் ஏர் போன்ற கணணிகள் செய்யாததை இவை மேற்கொள்ள இருக்கின்றன. 3ஜி மற்றும் 4ஜி இணைப்பு கொண்டவையாக இவை உருவாக்கப்பட உள்ளன.
இதற்கென தொலை தொடர்பு மற்றும் மொபைல் சேவை வழங்கும் நிறுவனங்களுடன் அல்ட்ரா புக் கணணிகளைத் தயாரிக்கும் நிறுவனங்கள் பேசி வருகின்றன.
விலையும் போகப் போகக் குறையும் என்பதால் 2012 ஆம் ஆண்டு அல்ட்ரா புக் கணணியின் ஆண்டாகவே இருக்கும் என்று எதிர்பார்க்கப்படுகிறது.

எல்லா சரிதே ............வெல என்ன?