மூதூர் நவரெத்தினபுர கிராமத்தில் இந்திய வீடமைப்புத் திட்டம்

by **நண்பன்** Sat 9 Aug 2014 - 9:54

மூதூர் கிழக்கு நவரெத்தினபுரம் கிராமத்தில் யுத்தத்தினால் பாதிக்கப்பட்டு மீளக்குடியமர்ந்த கூனித்தீவு கிராம சேவகர் பிரிவில் 67 வீடுகளும், நவரெத்தினபுரம் 114, சூடைக்குடா 62 வீடுகள் அமைக்கப்பட உள்ளன.

இந்திய உயர்ஸ்தானிகர் வை.கே. சிங்ஹா நேற்று வெள்ளிக்கிழமை (8) திருகோணமலை மாவட்டத்துக்கான விஜயத்தினை மேற்கொண்டார்.

காலை 10.00 மணிக்கு கிழக்கு மாகாண முதலமைச்சர் நஜீப் அப்துல் மஜீதை அவரது அலுவலகத்தில் சந்தித்து மாகாண நிலைமைகள் பற்றி கேட்டறிந்து கொண்டார். இதன் பின்னர் இந்திய அரசினால் மேற்கொள்ளப்பட இருக்கும் வீடமைப்பு திட்டத்திற்கு அடிக்கற்களை நாட்டி வைத்தார்.

இந் நிகழ்வில் கிழக்கு மாகாண முதல் அமைச்சர் நஜீப் அப்துல் மஜீதும் பங்கு கொண்டார். திருகோணமலை மேலதிக அரசாங்க அதிபர் எஸ். அருள்ராசா, மூதூர் பிரதேச செயலாளர் பிரதீபன், மாவட்ட செயலக திட்டமிடல் பணிப்பாளர் திருமதி குகவதனி பரமேஸ்வரன் ஆகியோரும் கலந்து கொண்டனர்.

யுன் ஹபடாட் நிறுவனத்தினால் இவ் வீடமைப்புத் திட்டம் மேற்கொள்ளப்பட உள்ளது. வீட்டு உரிமையாளர்களின் பங்கு பற்றுதலுடன் இவ்வீடுகள் அமைக்கப்பட உள்ளது. ஒவ்வொரு வீட்டு உரிமையாளர்களுக்கும் இவ்வீடுகளை அமைப்பதற்கு 550,000,00 ரூபாய்கள் ஒதுக்கப்பட்டுள்ளன.

தினகரன்

by **Nisha** Sat 9 Aug 2014 - 10:00

இந்த குடியமைப்பு திட்டத்தோடு சிங்கள மக்களையும் குடியமர்த்த முயற்சிக்கவில்லையா? மன்னாரில் சிங்கள மக்களை குடியமைர்த்த கூவி கூவி அழைக்கின்ரார்களாம்.!

தனித்தமிழ் பேசு கிராமமென இலங்கையில் இருக்க கூடாதாமே! என்னமோ ஆரம்பித்ததை ஒழுங்காக முடித்தால் சரிதான்!

செய்திப்பகிர்வுக்கு நன்றிப்பா!