மத்திய அரசு முடிவுக்கு காத்திருக்கும் ஆந்திர மக்கள்

by *சம்ஸ் Thu 24 Nov 2011 - 6:18

மத்திய அரசு முடிவுக்கு காத்திருக்கும் ஆந்திர மக்கள்
உ.பி. விவகாரத்தைத் தொடர்ந்து தெலுங்கானா விடயத்தில், மத்திய அரசு என்ன நடவடிக்கை எடுக்கும் என, ஆந்திர மக்கள் காத்திருக்கின்றனர். உ.பி. யை நான்காகப் பிரிக்கும் தீர்மானம், அம்மாநில சட்டசபையில் சமீபத்தில் நிறைவேற்றப்பட்டுள்ளது. சிறிய மாநிலங்கள் உருவாவதை ஆதரிக்கவில்லை என, பாரதிய ஜனதா தெரிவித்துள்ளது. அதே பாரதிய ஜனதா கட்சி, தனித் தெலுங்கானாவை ஆதரிக்கிறது.

உ.பி, தீர்மானத்தை மத்திய அரசு ஆதரித்தால், விதர்பா போன்ற மற்ற மாநில கோரிக்கைகளையும் நிறைவேற்ற வேண்டி வரும் எனவே, உ.பி. தீர்மானத்தை மத்திய அரசு ஆதரிக்குமா என்பது கேள்வி குறி தான் உ.பி., தீர்மானத்தை மத்திய அரசு ஆதரித்தால், அதன் மூலம் தெலுங்கானா பிரச்சினைக்கு விடிவு ஏற்படும் என, ஆந்திர மக்கள் குறிப்பாக தெலுங்கானா பகுதி மக்கள் எதிர்பார்த்து காத்திருக்கின்றனர்.