டில்லி மேலிட உத்தரவின் பேரில் கர்நாடக அரசு வற்புறுத்தியது

டில்லி மேலிட உத்தரவின் பேரில் கர்நாடக அரசு வற்புறுத்தியது
ஜெயலலிதாவுக்கு எதிரான சொத்து குவிப்பு வழக்கு: அரசு தரப்பு சட்டத்தரணி ஆச்சார்யா பேட்டி
கர்நாடக அரசின் தலைமை சட்டத்தரணி பதவியில் இருந்து வில கியது ஏன் என்று ஆச் சார்யா பரபரப்பான பேட்டி அளித்துள்ளார்.

ஜெயலலிதாவுக்கு எதிரான சொத்துக்குவிப்பு வழக்கில், அரசு தரப்பு சிறப்பு சட்டத்தரணியாக செயல்பட்டு வரும் ஆச் சார்யா, கர்நாடக அரசின் தலைமை சட்டத்தரணியாக கடந்த ஓகஸ்ட் மாதம் நியமனம் செய்யப்பட்டார்.

இந்த நிலையில் அரசு தலைமை சட்டத்தரணி பதவியில் இருந்து ஆச்சார்யா நேற்றுமுன்தினம் இராஜினாமா செய்தார். பதவி விலகியது ஏன்? என்று ஆங்கில நாளேடு ஒன்றுக்கு அவர் அளித்துள்ள பேட்டியில் ஜெயலலிதாவுக்கு எதிரான சொத்துக் குவிப்பு வழக்கில் அரசு சிறப்பு சட்டத்தரணி பதவியிலிருந்து விலகுமாறு கர்நாடக அரசு என்னை தொடர்ந்து வற்புறுத்தியது.

இந்த வழக்கு விசார ணையை ஜெலயலிதா வுக்கு ஆதரவாக திசை திருப்ப வேண்டும் என்பதற்காக, பா.ஜ.க.வின் டில்லி மேலிடத்தின் உத்தரவின் பேரிலேயே கர்நாடக அரசு எனக்கு நெருக்கடி கொடுத்தது.

பாஜக மேலிடத்தின் இந்த நெருக்கடி எடியூரப்பா முதல் அமைச்சராக இருக்கும் வரை எடுபடவில்லை. தற்போது முதல் அமைச்சர் சாதானந்த கெளடா மூலம் அதனை நிறைவேற்ற பாஜக மேலிடம் முயற்சி செய்கிறது. அந்த நேரத்தில் ஆசை காட்டும் விதமாகவே அரசு தலைமை சட்டத்தரணி பதவி கொடுக்கப்பட்டது. அதனை ஏற்று சொத்து குவிப்பு வழக்கின் சிறப்பு சட்டத்தரணி பதவியிலிருந்து இராஜினாமா செய்து விடுவேன் என்று கர்நாடக அரசு தப்புக் கணக்கு போட்டுவிட்டது.

அரசு தலைமை சட்டத்தரணி பதவியைவிட, உயர்நீதிமன்ற தலைமை நீதிபதி நியமித்த சிறப்பு சட்டத்தரணி பொறுப்பே மேலானது என்று கருதித்தான், தலைமை சட்டத்தரணி பதவியை இராஜினாமா செய்ததாக கூறியுள்ளார்.