சட்ட விரோதமாக 550 கோடி ரூபா பெற்ற குற்றம்: பிரணாப் முகர்ஜpயிடம் காப்பாற்ற கோரினார் தயாநிதி

by *சம்ஸ் Sat 11 Feb 2012 - 8:13

சட்ட விரோதமாக 550 கோடி ரூபா பெற்ற குற்றம்: பிரணாப் முகர்ஜpயிடம் காப்பாற்ற கோரினார் தயாநிதி
சட்ட விரோதமாக 550 கோடி ரூபாய் பெற்ற குற்றத்திற்காக விரைவில் அழைப்பாணை அனுப்ப அமுலாக்கப் பிரிவு முடிவு செய்து உள்ளதால் கலாநிதி, தயாநிதி தரப்பு பீதியடைந்துள்ளது. வழக்கிலிருந்து காப்பாற்றும்படி, மத்திய நிதியமைச்சர் பிரணாப் முகர்ஜியை தயாநிதி நேரில் சந்தித்து கூறினார். அவர் தன்னால் எதுவும் செய்ய முடியாது என கைவிரித்து விட்டார். மேலும், அமுலாக்கப் பிரிவு இலாகாவை கவனிக்கும் தன்னை முன் அனுமதி பெறாமல் சந்திக்க வந்ததற்காக தயாநிதியை பிரணாப் கடிந்து கொண்டார்.

ஸ்பெக்ட்ரம் ஒதுக்கீடு செய்யப்பட்டதில், சட்ட விரோத பணப் பரிவர்த்தனை செய்ததாக தொலைத் தொடர்புத் துறை முன்னாள் அமைச்சர் தயாநிதி மற்றும் அவரின் சகோதரரும், சன் குழுமத் தலைவருமான கலாநிதி மீது கடந்த செவ்வாய் கிழமை அமலாக்கப் பிரிவு வழக்கு பதிவு செய்தது. மலேசிய கம்பெனியுடன் “சன் டைரக்ட்” நிறுவனம் சட்ட விரோதமாக 550 கோடி ரூபாய் பணப் பரிவர்த்தனை செய்து கொண்டிருப்பதால், வழக்கு பதியப்பட்டது. அதிகாரத்தை துஷ்பிரயோகம் செய்து நிறுவனங்களை மிரட்டி சட்ட விரோதமாக பணப் பரிவர்த்தனை செய்த குற்றத்தை அவர்கள் செய்துள்ளதாக அமுலாக்கப் பிரிவு கருதுகிறது. வழக்கு பதிவு செய்து எப். ஐ. ஆர்., போட்டு முடித்து விட்டதால், இனி சகோதரர்களிடம் அடுத்த கட்டமாக விசாரணை நடப்பது உறுதியாகிவிட்டது.

ஆவணங்கள் திரட்டல்: இது குறித்து நேற்று டில்லியில் அமுலாக்கப் பிரிவின் உயர் வட்டாரங்களை தொடர்பு கொண்ட போது, சட்ட விரோத பணப் பரிவர்த்தனை என்ற குற்றம் நடந்துள்ளது. இது தொடர்பான ஆவணங்கள் எல்லாவற்றையும் திரட்டி விட்டோம். முதல் கட்டமாக வழக்கு பதியப்பட்டுள்ளது. இனி சம்பந்தப்பட்டவர்களிடம் விசாரணை நடத்த வேண்டும். வழக்கு பதிவு முடிந்தவுடன், அமுலாக்கப் பிரிவிலிருந்து நோட்டீஸ் அனுப்புவது வழக்கமான நடைமுறை. அதன்படி சில தினங்களில் தயாநிதி, கலாநிதிக்கு அழைப்பானை அனுப்பப்படும். சம்பந்தப்பட்டவர்கள் நேரில் வந்து ஆஜராகி விளக்கம் அளிக்க தரப்படும் வாய்ப்பு இது. அவர்கள் அளிக்கும் விளக்கங்களைப் பொறுத்து கைது நடவடிக்கை இருக்கும்.

கூட்டுக்குழு அமைப்பு: ஏர்செல்- மேக்சிஸ் இடையே நடந்துள்ள பணப் பரிவர்த்தனை தொடர்பான, இந்த குறிப்பிட்ட வழக்கைப் பொறுத்தவரை, ஒரு கூட்டுக் குழு அமைக்கப்பட்டுள்ளது. அதில் அமுலாக்கப் பிரிவைச் சேர்ந்த அதிகாரிகளும், சி.பி.ஐ. அதிகாரிகளும் இடம்பெற்றுள்ளனர். இந்த குழு விரைவில் மலேசியா சென்று முறைகேட்டில் ஈடுபட்ட நிறுவனங்களிடம் மேலும் பல தகவல்களையும், ஆவணங்களையும் பெற்று, விசாரணை நடத்த உள்ளது. ஏற்கனவே தங்களின் விசாரணைக்காக மலேசியா அரசிடம் அனுமதி கேட்டு சி.பி.ஐ. விண்ணப்பித்துள்ளது. தற்போது இந்த கூட்டுக்குழு சார்பிலும் விண்ணப்பித்து அனுமதி கோரப்படும்’ என்று தெரிவித்தன.

தப்பிக்க முயற்சி: இதற்கிடையில், தங்கள் மீதான பிடி இறுகிக் கொண்டிருப்பதை உணர்ந்த கலாநிதி, தயாநிதி ச§¡கதரர்கள், வழக்கு பதிவு செய்யப்பட்ட மறுநாளான புதன்கிழமை இரவு தங்களது அரசியல் தொடர்புகளை வைத்து வழக்கிலிருந்து தப்பிக்கத் தேவையான நடவடிக்கைகளை துவக்கியுள்ளனர். அதன் ஒரு கட்டமாக, காங்கிரஸ் கட்சியின் மூத்த தலைவர்களில் ஒருவரும், மத்திய நிதியமைச்சருமான பிரணாப் முகர்ஜியை சந்தித்துப் பேசுவதற்காக தயாநிதி கிளம்பினார். சென்னையிலிருந்து டில்லிக்கு புதனன்று மாலை டில்லி சென்ற தயாநிதி, அன்றிரவே தல்கோட்ரா சாலையில் உள்ள பிரணாப் முகர்ஜியின் இல்லத்துக்குச் சென்றார். இரவு, 9.45 மணிக்கு தயாநிதி அங்கு சென்ற போது, பிரணாப் முகர்ஜி வீட்டில் இல்லை இதனால், வரவேற்பு அறையிலேயே தயாநிதி காத்திருந்தார். இரவு 10.10 மணிக்குப் பிரணாப் முகர்ஜி வந்தார். அதன் பின், பிரணாப் முகர்ஜியிடம் பேச விரும்புவதாக தயாநிதி தகவல் அனுப்ப, மறுபடியும் சில நிமிடங்கள் காத்திருந்த பிறகு சந்திப்பு நடந்துள்ளது.

விரும்பாத பிரணாப் சில நிமிடங்கள் மட்டுமே நடந்த இந்த சந்திப்பு குறித்து தகவலறிந்த வட்டாரங்கள் கூறுகையில், “அமுலாக்கப் பிரிவு வழக்கு பதிவு செய்துள்ளதால், தன்னையும் தனது சகோதரரையும் காப்பாற்ற வேண்டுமென தயாநிதி கேட்டுக் கொண்டார். ஆனால், தன்னை அனுமதியில்லாமல் சந்திக்க வந்ததையே விரும்பாத பிரணாப், தன்னிடம் இவ்வாறு தயாநிதி கோரிக்கை வைத்ததை ரசிக்கவில்லை என்றார்.