அமைச்சர் சிதம்பரம் நல்லவர்

by *சம்ஸ் Tue 13 Dec 2011 - 6:20

2 - ஜி ஸ்பெக்ட்ரம் விவகாரத்தில் மத்திய உள்துறை அமைச்சர் ப. சிதம்பரத்திற்கு எவ்வித தொடர்புமில்லை. அவர் எந்த தவறும் செய்யவில்லை. எதிர்கட்சிகள் கூறும் புகாரை ஏற்க முடியாது என்று மத்திய தொலைதொடர்பு துறை அமைச்சர் கபில்சிபல் கூறியிருக்கிறார்.

இது தொடர்பாக அவர் மேலும் கூறுகையில், ஸ்பெக்டரம் ஒதுக்கீட்டில் அப்போதைய நிதி துறை அமைச்சராக இருந்த சிதம்பரம் நேர்மையாக அனைத்து கடமைகளையும் செய்துள்ளார்.

அவர் எங்களுடன் பணியாற்றும் ஒரு சிறந்த மதிப்புள்ளவர் ஆவார். ராஜாவை இந்த விவகாரம் தொர்பாக சிதம்பரம் சந்திக்க வேயில்லை. நிதி அமைச்சகத்திற்கு எவ்வித தொடர்பும் இல்லை என்பதை தொலை தொடர்பு துறையினர் கடந்த 2008ல் அனுப்பியிருக்கும் கடிதம் மூலம் தெரிய வருகிறது.

கொள்கையின்படி எல்லாம் நடைமுறைப் படுத்தப்பட்டுள்ளது. இது அனைத்து விஷயங்களையும் சி.பி.ஐ. சுப்ரீம் கோர்ட் டில் தாக்கல் செய்துள்ளது. மேலும் நிதி அமைச்சகம் தொடர்பாகவும் எதுவும் குறிப்பிடப்படவில்லை. யாருக்கும் சாதகமாகவோ, யாருக்கும் அஞ்சியோ எவ்வித நடவடிக்கையிலும் சிதம்பரம் ஈடுபடவில்லை. அவர் மீது பொய்யான குற்றச்சாட்டை எதிர் கட்சிகள் வைக்கிறது.

இதனை நாங்களும், அரசும் நிராகரிக்கிறோம். இதன் மூலம் பார்லியை தேவையில்லாமல் ஸ்தம்பிக்க வைப்பது சரியல்ல. இந்த கூட்டத் தொடரில் பல முக்கிய மசோதாக் கள் நிறைவேற்றப்பட வேண்டியிருக்கிறது. இதற்குத் தான் எதிர்க்கட்சிகள் ஒத்துழைப்பு தரவேண்டும் என்றார்.

கடந்த வாரம் சிதம்பரம் மீது 2 ஜி ஸ்பெக்டரம் விவகாரம் தொடர்பாக அவர் பதவி விலக வேண்டும் என எதிர்க் கட்சியினர் கடும் அமளியில் ஈடுபட்டதால் இரு அவைகளும் ஒத்தி வைக்கப்பட்டது. 2 ஜி ஸ்பெக்டரம் முறைகேட்டில் ஏற் பட்ட நஷ்டம் இவ்வளவு இருக்க முடி யாது என்று சொன்னவரும் கபில்சிபல் என்பது குறிப்பிடத்தக்கது.

கபில்சிபல் பேச்சுக்கு பா.ஜ. கடும் எதிர்ப்பு: கபில்சிபலின் இன்றைய பேட்டிக்கு பா.ஜ. செய்தி தொடர்பாளர் ரவி சங்கர் பிரசாத் கடும் எதிர்ப்பை தெரிவித்துள்ளார். சிதம் பரத்தை காப்பாற்ற கபில்சிபல் முயற்சிக்கிறார். சிதம்பரம் நிதியமைச்சராக இருந்த போது 2 ஜி ஸ்பெக்டரம் ஊழல் நடத்திருக்கிறது. இதனால் மக்களின் பணத்தை காப்பாற்ற அவர் தவறி விட்டார். இதனால் இவர் பதவி யில் நீடிக்கும் தகுதி இல்லை என்றார்.