ஸ்பெக்ட்ரம் வழக்கு: கூடுதல் ஆவணங்களை தாக்கல் செய்ய சி.பி.ஐக்கு அனுமதி

ஸ்பெக்ட்ரம் வழக்கு: கூடுதல் ஆவணங்களை தாக்கல் செய்ய சி.பி.ஐக்கு அனுமதி
2 ஜி ஸ்பெக்ட்ரம் வழக்கில், 3 கூடுதல் ஆவண தொகுப்புகளை சி.பி.ஐ. தாக்கல் செய்ய உத்தரவிட வேண்டும் என்று முன்னாள் மத்திய தொலைத் தொடர்பு துறை மந்திரி ஆ. ராசா தாக்கல் செய்திருந்த மனுவை சி.பி.ஐ. நீதிமன்றம் ஏற்கனவே ஏற்றுக் கொண்டிருந்தது.

இந்நிலையில், கூடுதல் ஆவணங்களை தாக்கல் செய்ய அனுமதிக்கக் கோரி, சி.பி.ஐ. தாக்கல் செய்த மனுவை சி.பி.ஐ. நீதிமன்றம் நேற்று முன்தினம் ஏற்றுக் கொண்டது.

இதன்படி, தொலைத் தொடர்பு ஒழுங்குமுறை ஆணையத்தின் முன்னாள் தலைவர் நிருபேந்திர மிஸ்ராவுக்கும், தொலைத்தொடர்புதுறை முன்னாள் செயலாளர் சித்தார்த்த பெகுராவுக்கும் இடையிலான கடிதத் தொடர்புகள் உள்ளிட்ட ஆவணங்களை சாட்சியமாக சி.பி.ஐ. தாக்கல் செய்யும். இந்த ஆவணங்களை தாக்கல் செய்ய ஆ. ராசாவை தவிர, பெரும்பாலானோர் எதிர்ப்பு தெரிவித்திருந்தனர்.

இதற்கிடையே, ஸ்பெக்ட்ரம் வழக்கில் எஸ்ஸார் நிறுவனத்துக்கு எதிரான விசாரணையை மத்திய சட்ட மந்திரி சல்மான் குர்ஷித் தடுக்கவில்லை என்று உச்ச நீதிமன்றில் மத்திய அரசு பிரமாண பத்திரம் தாக்கல் செய்துள்ளது.

தராசு,,,