குழந்தைகளுக்கான பாடல்கள்

by **நண்பன்** Fri 21 Jan 2011 - 17:56

சின்ன சின்ன வயசிலே
செல்லமான வயசிலே
சொன்ன பேச்சை கேட்க வேண்டும்
அம்மா அப்பா, சொன்ன பேச்சை கேட்க வேண்டும். (2)

காலையிலே எழுந்திருக்க பழக வேண்டும்
கடவுளையே என்னாலும் வணங்க வேண்டும்.
கல்வி கற்க பள்ளி கூடம் போக வேண்டும் (2)
நல்ல கருத்துடனே பாடங்களை படிக்க வேண்டுக் (2) - (சின்ன)

எறும்பு போலே துறுதுறுப்பாய் இருக்க வேண்டும்.
எதிலையுமே பரபரப்பாய் நடக்க வேண்டும்
துரும்பு போல சமயத்திலே உதவ வேண்டும்.(2)
சூது வாது பொய்களங்கள் மறக்க வேண்டும் (2) - (சின்ன)

by **நண்பன்** Fri 21 Jan 2011 - 17:57

பாடல் 1

காக்கா காக்கா மை கொண்டா
காடைக் குருவி மலர் கொண்டா
பசுவே பசுவே பால்கொண்டா
பச்சைக் கிளியே பழம் கொண்டா

பாடல் 2

சிங்காரப் புன்னகைக்
கண்ணாலே கண்டால்
சங்கீத வீணையும் ஏதுக்கம்மா

கண்ணாற கண்ணுக்கு
மையிட்டுப் பார்த்தாலே
தங்கமும் வைரமும் ஏதுக்கம்மா
ஓ..ஓஓ..ஓஓ... சிங்கார

by **நண்பன்** Fri 21 Jan 2011 - 17:57

நிலா நிலா ஓடிவா
நில்லாமல் ஓடிவா
மலை மீது ஏறிவா
மல்லிகைப்பூ கொண்டுவா
நடுவீட்டில் வை
நல்ல துதி செய்

by **நண்பன்** Fri 21 Jan 2011 - 17:58

குட்டி குட்டி பாப்பா
குண்டு கன்னம் பாப்பா
தத்தி தத்தி நடந்திடும்
கட்டித் தங்க பாப்பா

கண்கள் உருட்டி மிரட்டுவாள்
வாய் பொத்தி சிரிக்கும் பாப்பா
சுட்டித்தனம் செய்திடும்
எங்கள் செல்ல பாப்பா

by **நண்பன்** Fri 21 Jan 2011 - 17:59

பூனைக்குட்டி

மியாவ் மியாவ் பூனைக்குட்டி
மீசை வச்ச பூனைக்குட்டி
பையப் பையப் பதுங்கி வந்து
பாலைக் குடிக்கும் பூனைக்குட்டி

பளபளக்கும் பளிங்குக் குண்டு
பளிச் சென்று முகத்தில் இரண்டு
வெளிச்சம் போடும் விழி கண்டு
விரைந்தோடும் எலியும் மிரண்டு

விரித்த பூவைக் கவிழ்த்ததுபோல
விளங்கும் பூனைக் காலடிகள்
இருந்து தவ்வ ஏற்றபடி
இயங்கும் சவ்வுத் தசைப்பிடிகள்

அழகு வண்ணக் கம்பளி யால்
ஆடை உடுத்தி வந்தது போல்
வளர்ந்து முடியும் பலநிறத்தில்
வந்து தாவும் பூனைக்குட்டி

விரட்டி விலங்கினைக் காட்டிலே
வீரங் காட்டும் புலியினமே
துரத்தி எலியை வீட்டினிலே
தொல்லை தீர்க்கும் பூனை தினமே

by **நண்பன்** Fri 21 Jan 2011 - 17:59

மாம்பழமாம் மாம்பழம்
மல்கோவா மாம்பழம்
சேலத்து மாம்பழம்
தித்திக்கும் மாம்பழம்
எல்லோரும் வாருங்கள்
பங்கு போட்டு தின்னலாம்

by **நண்பன்** Fri 21 Jan 2011 - 18:01

“வட்ட நிலா சுற்றிச்சுற்றி
வானில் ஒடுது
வா வென்றே நானழைத்தால்
வர மறுக்குது!
எட்டி எட்டிப் பார்த்தாலுமே
எட்டப் போகுது
ஏனென்று கேட்டால்அது
சிரித்து மகிழுது!”

by **நண்பன்** Fri 21 Jan 2011 - 18:01

ஆடிக்களிக்கும் மயிலே வா
ஆட்டம் எனக்குச் சொல்லித்தா
பாடிக் களிக்கும் குயிலேவா
பாட்டுப் பாடச் சொல்லித்தா
தாவும் மானே அருகேவா
தாவிக் குதிக்கச் சொல்லித்தா
கூவும் கோழி இங்கேவா
கூவி எழுந்திடச் சொல்லித்தா

by **நண்பன்** Fri 21 Jan 2011 - 18:01

பசுவே பசுவே பால்தருவாய்
பச்சைப் புல்லை நான்தருவேன்
பாலைத் தந்தால் காய்ச்சிடுவேன்
பதமாய்க் கோவா செய்திடுவேன்
மாலை நேரம் நண்பருடன்
மகிழ்ந்தே அதனை உண்டிடுவேன்!

by **நண்பன்** Fri 21 Jan 2011 - 18:02

அம்மா அம்மா வருவாளே
அன்பாய் முத்தம் தருவாளே
தும்மும் போது நூறென்பாள்
துணைக்கு என்றும் நானென்பாள்
கட்டி பிடித்து அனைத்தாலும்
காலால் எட்டி உதைத்தாலும்
சுட்டித் தனங்கள் செய்தாலும்
சொந்தம் நமக்கு அம்மாவே!

by **நண்பன்** Fri 21 Jan 2011 - 18:02

நாயை வளர்க்கும் போது
நமது வீட்டைக் காக்கும்
பூனை வளர்க்கும் போது
போகும் எலியின் தொல்லை
பசுவை வளர்க்கும் போது
பாலைத் தந்து காக்கும்
நாமும் வளரும் போது
நாட்டை வீட்டைக் காப்போம்!

by **நண்பன்** Fri 21 Jan 2011 - 18:03

கொழுக்கட்டை பாட்டு
==============

கொழுக்கட்டையே கொழுக்கட்டையே ஏ(ன்) வேகல?
மழயும் பேஞ்சிச்சு நா வேகல
மழயே மழயே ஏம் பேஞ்சிங்க?
புல்லு மொளைக்க நாம் பேஞ்சேன்
புல்லே புல்லே ஏம் மொளச்சிங்க?
மாடு திங்க நா மொளச்சேன்
மாடே மாடே ஏந் தின்னீங்க?
பாலு கறக்க நாந் தின்னேன்.
பாலே பாலே ஏங் கறந்தீங்க?
பால்காரர் கறந்தார் நா கறந்தேன்.
பால்கார்ரே பால்கார்ரே ஏங் கறந்தீங்க?
அம்மா சொன்னாங்க நாங் கறந்தேன்.
அம்மா அம்மா ஏஞ் சொன்னீங்க?
பாப்பா அழுதுச்சு நாஞ் சொன்னேன்.
பாப்பா பாப்பா ஏ அழுதீங்க?
எறும்பு கடிச்சுச்சு நா அழுதேன்.
எறும்பே எறும்பே ஏங் கடிச்சீங்க?
எங்க புத்துக்குள்ள கைய வுட்டா சும்மாருப்பமோ?

by **நண்பன்** Fri 21 Jan 2011 - 18:04

அதோ பார் லைட்டு!
அழுக்குச் சட்டையைக் கழட்டு!
கோழி முட்டை ரோஸ்ட்டு!
ஒண்ணாங்கிளாஸ் ஃபர்ஸ்ட்டு!

------------------------------
அடடா! அட்டா! அண்ணாமலை!
அண்ணாந்து பார்த்தா ஒண்ணுமில்லை!
போகப் போக ஜவுளிக் கடை!
போயிப் பார்த்தா இட்லிக் கடை!
இட்டிலைக்கும் சட்டினிக்கும்
சண்டை வந்துதாம்!
ஈரோட்டு மாமனுக்குப்
பொண்ணு வந்துதாம்!
டில்லி பம்பாய் கல்கத்தா!
சிண்டைப் பிடிச்சி இழுக்கட்டா?

----------------------------------

மழை வருது மழை வருது
நெல்லு வாருங்கோ!
முக்காப் படி அரிசி போட்டு
முறுக்கு சுடுங்கோ!
ஏரோட்டுற மாமனுக்கு
எண்ணி வையுங்கோ!
சும்மா இருக்கும் மாமனுக்கு
சூடு வையுங்கோ!

----------------------------------
சின்ன சின்ன கல்லு *****
சிங்காரமாய் பாலம் கட்டி
பாலத்து மேல எலிக் குட்டி
தில்லாலங்கடி தில்லாலே
எனக்கு உடம்பு நல்லால்லே!

by **நண்பன்** Fri 21 Jan 2011 - 18:05

பட்டம் விடும் பட்டாபி
பள்ளியில் விடுவான் கொட்டாவி ஒன்னும் புரியல

முட்டாள் அவன் முன்கோபி :twisted:
மூடி குடிப்பான் காபி :evil:

தானே தின்பான் ஜிலேபி :x
அதனால்
அவனைத் தன்னுடன் சேர்த்து கொள்ள மாட்டான் நம்ம கோபி

by **நண்பன்** Fri 21 Jan 2011 - 18:05

சின்னச் சின்ன நாய்க்குட்டி

தூய வெள்ளை நாய்க்குட்டி

பஞ்சுப் பொதி நாய்க்குட்டி

பன்னும் தின்னும் நாய்க்குட்டி

சின்னச் சின்னக் குழந்தைகள்

கொஞ்சி மகிழும் நாய்க்குட்டி

உன்னைக் கண்டால் பிஞ்சுகள்

நெஞ்சம் மகிழ்ச்சி கொள்ளுமே!

துள்ளித் துள்ளி ஓடுவாய்

உன்னை அள்ளி அள்ளித் தூக்கலாம்

வாசலிலே மற்றவர் வந்து

நின்றால் போதுமே!

சிங்க கர்ஜனை செய்வாயே!

சிறுவர் விரும்பும் நாய்க்குட்டி

பாலும் ரொட்டியும் பாந்தமாய்

தந்து விட்டால் போதுமே!

வாலை வாலை ஆட்டியே

வரவேற்பு தருவாயே

by **நண்பன்** Fri 21 Jan 2011 - 18:06

அம்மா இங்கே வா! வா!*

*ஆசை முத்தம் தா! தா!*

*இலையில் சோறு போட்டு*

*ஈயைத் தூர ஓட்டு*

*உன்னைப் போன்ற நல்லார்*

*ஊரில் யாரும் இல்லார்*

*என்னால் உனக்குத் தொல்லை*

*ஏதும் இங்கே இல்லை*

*ஐயம் இன்றி சொல்வேன்*

*ஒற்றுமை என்றும் பலமாம்*

*ஓதும் செயலே நலமாம்*

*ஔஒளவை சொன்ன மொழியாம்*

*அஃதே நமக்கு வழியாம்.*

by **நண்பன்** Fri 21 Jan 2011 - 18:06

பத்துக் காசு விலையிலே
பலூன் ஒன்று வாங்கினேன்
பலூன் ஒன்று வாங்கினேன்
பையப் பைய ஊதினேன்

பையப் பைய ஊதவே
பந்து போல ஆனது
பந்து போல ஆனதும்
பலமாய் நானும் ஊதினேன்

பலமாய் நானும் ஊதவே
பானை போல ஆனது
பானை போல ஆனதை
பார்க்க ஓடி வாருங்கள்

விரைவில் வந்தால் பார்க்கலாம்
அல்லது வெடிக்கும் சத்தம் கேட்கலாம்

by **நண்பன்** Fri 21 Jan 2011 - 18:07

மாம்பழமாம் மாம்பழம்
மல்கோவா மாம்பழம்
தித்திக்கும் மாம்பழம்
அழகான மாம்பழம்
அல்வா போன்ற மாம்பழம்
தங்க நிற மாம்பழம்
உங்களுக்கு வேண்டுமா மாம்பழம்
இங்கே ஓடி வாருங்கள்
பங்கு போட்டு தின்னலாம்

by **நண்பன்** Fri 21 Jan 2011 - 18:07

அசைந்தா டம்மா அசைந்தாடு
ஆசைக் கிளியே அசைந்தாடு
இசையோ டொன்றாய் அசைந்தாடு
ஈரக் குலையே அசைந்தாடு

உதய நிலாவே அசைந்தாடு
ஊதும் குழலே அசைந்தாடு
எழிலாய் வந்து அசைந்தாடு
ஏற்றத் தேடு அசைந்தாடு

ஐயம் விட்டு அசைந்தாடு
ஒழுக்கம் பேணி அசைந்தாடு
ஓவிய நூலே அசைந்தாடு
ஒளவிய மின்றி அசைந்தாடு

by **நண்பன்** Fri 21 Jan 2011 - 18:07

ஆல மரத்து ஊஞ்சலாம்
அமர்ந்து ஆடிப் பாடலாம்
காலை உயர நீட்டியே
கீழும் மேலும் ஆடலாம்.

விண்ணை நோக்கிப் போகலாம்
வடக்குத் தெற்குப் பார்க்கலாம்
பண் இசைத்துப் பாடலாம்
பகல் முழுதும் ஆடலாம்.

பழக்க மில்லாப் பிள்ளைகள்
பையப் பைய ஆடலாம்
பழக்கமான போதிலே,
பறந்து விண்ணில் ஆடலாம்

by **நண்பன்** Fri 21 Jan 2011 - 18:08

துண்டுத் தாள்கள் கிடந்தன
தூக்கி வீசி எறிந்தனர்!
கண்டு சிறுவன் எடுத்தனன்
கப்பல் செய்து மகிழ்ந்தனன்!

துண்டுத் துணிகள் கிடந்தன
தூக்கி வீசி எறிந்தனர்!
கண்டு சிறுமி எடுத்தனள்
கணக்காய்ப் பொம்மை செய்தனள்!

வண்ணத் தாள்கள் கிடந்தன
வாரி வீசி எறிந்தனர்!
சின்னப் பையன் கண்டனன்
சேர்த்துப் பூக்கள் செய்தனன்!

சிறிய துரும்பும் நமக்குமே
சிறந்த பொருளாய் மாறுமே!
சின்னஞ் சிறுவர் நாமுமே
சேர்ந்து பொருள்கள் செய்வோமே

by **நண்பன்** Fri 21 Jan 2011 - 18:08

அ, ஆ சொல்லலாம் அரிசி பொறி திங்கலாம்
இ, ஈ சொல்லலாம் இடியாப்பம் திங்கலாம்
உ,ஊ சொல்லலாம் உளுந்து வடை திங்கலாம்
எ,ஏ சொல்லலாம் எள்ளுருண்டை திங்கலாம்
ஐ எழுத்து சொல்லலாம் ஐங் கரனை வணங்கலாம்
ஒ, ஓ சொல்லலாம் ஓமப் பொடி திங்கலாம்
ஔ எழுத்து சொல்லலாம் ஔவையாரை வணங்கலாம்.
அக் என்று சொல்லலாம்.
அத்தோட முடிக்கலாம்

by **நண்பன்** Fri 21 Jan 2011 - 18:09

தாத்தா வைத்த தென்னையுமே
தலையால் இளநீர் தருகிறது

பாட்டி வைத்த கொய்யாவும்
பழங்கள் நிறையக் கொடுக்கிறது

அப்பா வைத்த மாஞ்செடியோ
அல்வா போலப் பழம்தருது

அம்மா வைத்த முருங்கையுமே
அளவில்லாமல் காய்க்கிறது

அண்ணன் வைத்த மாதுளையோ
கிண்ணம் போலப் பழுக்கிறது

சின்னஞ் சிறுவன் நானுமொரு
செடியை நட்டு வளர்ப்பேனே

by **நண்பன்** Fri 21 Jan 2011 - 18:09

சிட்டே சிட்டே பறந்து வா
சிறகைச் சிறகை அடித்துவா

கொட்டிக் கிடக்கும் மணிகளைக்
கொத்திக் கொத்தித் தின்னவா

ஆற்று நீரில் குளிக்கிறாய்
அழகாய்த் தூளி ஆடுகிறாய்

சேற்று வயலில் அமர்கிறாய்
திறந்த வெளியில் திரிகிறாய்

உன்னைப் போலப் பறக்கணும்
உயர உயரச் செல்லணும்

என்னை அழைத்துச் சென்றிடு
ஏற்ற இடத்தைக் காட்டிடு

by **நண்பன்** Fri 21 Jan 2011 - 18:10

மஞ்சள் வெயில் காயுதாம்
மழையும் கொஞ்சம் பெய்யுதாம்
ஹேட்டு, கோட்டு, சூட்டுடன் காட்டு குரங்கு ஆடுதாம்
கங்கண கண கண கணன
கிங்கண கண கண கிணி கிணி
தாறை கொம்பு தப்பட்டை
வீரம் முழங்கும் தமுக்குடன்

by Sponsored content

குழந்தைகளுக்கான பாடல்கள்

குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்

Re: குழந்தைகளுக்கான பாடல்கள்