நாம் சிறியவர்களாய் இருந்தபோது .. !

First topic message reminder :

நான் சின்னவளாய் இருந்தபோது...
 
நாம் நம் சின்ன வயதில் செவி வழியாகவே பல வினா விடை பாடல்களை கேட்டிருப்போம்.. அவை நமமை சிந்திக்க செய்து நம்மை அறிவாளியாக்கி இருக்கும்.
 
அப்படி ஒருசில பாடல்களை என் நினைவிலிருந்து தட்டியும்இணையத்திலிருந்து சுட்டும் உங்க கூட பகிர்ந்துக்க போறேன்..
 
பகிர்ந்துகட்டுமா... அப்படியே அவங்கவங்க அவங்கவங்க வீட்டில் இருக்கும் குட்டிபசங்களுக்கு சொல்லி கொடுக்கணுமாம்..

அப்படி அதற்குள் அத்தனையும் படித்தாகி விட்டதா?

இடை நடுவே உங்களுக்கும் கேள்விகள் இருந்ததே?

எல்லா விளையாட்டையும் நீங்களே சொல்லிட்டிங்க அப்புறம் நாங்க எப்படி சொல்வதாம்.

யோசித்தால் இன்னும் கிடைக்கும்.

பாடலோடு கூடிய நினைவு அலைகளை சொல்லுங்க மேடம்!

எனக்கு இப்படி நான் மட்டும் தனியே பேசிட்டிருப்பது பிடிக்கல்லை.. யாருமே கம்பெனி தருவதில்லை ஏன்?

ராகவன் மட்டுமே வரான்!

Nisha wrote:யோசித்தால் இன்னும் கிடைக்கும்.

பாடலோடு கூடிய நினைவு அலைகளை சொல்லுங்க மேடம்!

எனக்கு  இப்படி நான் மட்டும் தனியே பேசிட்டிருப்பது பிடிக்கல்லை.. யாருமே  கம்பெனி தருவதில்லை ஏன்?

ராகவன் மட்டுமே வரான்!

நீங்க சொன்ன விளையாட்டு எல்லாம் நாங்களும் விளையாடுவோம் நிஷா. நான் எங்க தாத்தா பாட்டி கிட்ட ஊர்ல தான் 12 வயசு வரை இருந்தேன். புளியங்காய் பறிச்சு அதுல உப்பு வச்சு அரைச்சு சாப்பிடுவோம். கொஞ்ச பெரிய காயா இருந்தா சுட்டு சாப்பிடுவோம்.

எங்க தாத்தா மதியம் நேரம் விளையாட விடமாட்டாங்க. அவுங்ககிட்ட கெஞ்சுவேன் கொஞ்ச நேரத்துல வந்துடுவேனு. விடமாட்டாங்க எங்க சித்தி தான் அவ போய் தான் விளையாடட்டுமெ இங்க இருந்து என்ன செய்யபோறானு சொல்வாங்க. அதுக்கப்புறமா எங்க தாத்தா சொல்வாங்க முற்றத்துல எச்சில் துப்பி இந்த எச்சில் காயுறதுக்குள்ள வந்துடனும்னு சொல்வாங்க.

நாம ஏன் அதைக் கேட்க்கப் போறோம். எங்க தாத்தா கடைதெருவுக்கு 4.30 மணிக்கு கெளம்புவாங்க. அதுக்கப்புறமா வீட்டுக்கு வந்து டீ குடிச்சிட்டு திரும்பவும் கெளம்பிடுவேன். ஆனா எங்க தாத்தா வருவதற்குள் வீட்டுக்கு வந்து தூங்குவது போல நடிப்பேன்.

அதெல்லாம் மீண்டும் வருமா? )* 

எங்களுக்கு அம்மா அப்பா சைட் இரண்டிலும் தாத்தா இல்லை. ஆனால் அப்பாவின் மாமா வை தாத்தா என்போம்.

அப்பவே அவருக்கு ரெம்ப வயது. முடியெல்லாம் வெள்ளையாய் இருக்கும்.  ஆனாலும் எனக்காக தினம் ஒரு இடம் என அழைத்து போய் ஒவ்வொரு இடமாய் காட்டுவார். ஐஸ்கிரிம்லாம் வாங்கித்தருவார்.

எங்க வீட்டில் இந்த வெளியில் விளையாட தடா அப்பா வீட்டில் இருக்கும் நாட்களில் வரும்.வீட்டை விட்டு போகவே விட மாட்டார்.

Nisha wrote:எங்களுக்கு அம்மா அப்பா சைட் இரண்டிலும் தாத்தா இல்லை. ஆனால் அப்பாவின் மாமா வை தாத்தா என்போம்.

அப்பவே அவருக்கு ரெம்ப வயது. முடியெல்லாம் வெள்ளையாய் இருக்கும்.  ஆனாலும் எனக்காஅக் தினம் ஒரு இடம் என அழைத்து போன் காட்டுவார். ஐஸ்கிரிம்லாம் வாங்கித்தருவார்.

எங்க வீட்டில் இந்த வெளியில் விளையாட தடா அப்பா வீட்டில் இருக்கும் நாட்களில் வரும்.வீட்டை விட்டு போகவே விட மாட்டார்.

எங்களுக்கு எந்த தடையும் எங்க அப்பா அம்மாவும் கூட போடல... சென்னைக்கு வந்தும் எங்கெல்லாம் சுத்தனுமோ சுத்திட்டு தான் வீட்டுக்கு வருவோம்.

இங்க பெரிய கிரவுண்ட்ல சின்னதா முருகன் கோயில் இருக்கும். ஆலமரம் அரசமரம் இருக்கும் அங்க தான் ரொம்ப விளையாடுவோம். ஆனா இப்போ அதை பெருசா கட்டி யாரையும் விளையாட விடுவதில்லை.

ஆனாலும் ஏன் சென்னை வந்தோம் என இன்னும் கூட நினைத்து வருந்துவேன் அவ்வளவு பிடிக்கும் என் ஊரை. 9 வயசுலலாம் நல்ல்லா புத்தகம் படிப்பேன். எங்க தாத்தா குமுதம் ராணி வாங்கிப் போடுவாங்க. எங்க மாமா லைப்ரரில இருந்து கதை புத்தகம் எடுத்துப் போடுவாங்க. எல்லாத்தையும் படிச்சிக்கிட்டு இருப்பேன். இதெல்லாம் நினைத்தால் பெருமூச்சு தான் வருது.

ராகவா wrote:
இப்படி தினமும் பத்துப்பேர் விளையாட ரெடியாக இருப்போம்..
பள்ளி முடிந்தவுடன் கடைக்கு சென்றாலும்,விளையாட சென்றாலும் நான்
ஓட்டும் சைக்கிள் ஓட்டும் முன்பு ....
இவைகள்..

இந்த விளையாட்டு நான் அதிகமாகவே விளையாடி இருக்கேன்  i* i* 

எங்க வீட்டில் அப்பா ரெம்ப கட்டுப்பாடு பானு! சொன்னால் நம்ப மாட்டீர்கள் திருமண மாகி பசங்க பிறந்து இத்தனை வயதாகியும் அப்பான்னால் கொஞ்சம் பயம் தான். ரெம்ப திட்டிருவார்.. அப்பா என் கூட இருக்கும் வரை அவரிடம் கேட்டுத்தான் எல்லாம் செய்வேன்.

சின்ன வயதில் சைக்கிள் ஓட பழகக்கூட விட மாட்டார்.பெண்னுங்களுக்கு எதுக்கும்பார்! அதுக்காக பழமைத்தனம் என்பதில்லை. ஏனோ தடுப்பார். மத்த படி இன மத பேதம் பார்க்காமல் எல்லோருடனும் சகஜமாக பழகுவதை அவரிடம் தான் கற்றேன்.

எனக்கு சின்ன வயதில் ரெம்ப கட்டுப்பாடுதான். ஸ்கூல் டீயூசன்.. படிப்பு சம்பந்தமான விடயம் தவிர்த்து வேறு எங்கு செல்வதுன்னாலும் காவல் வரும்.

ஆனால் நான் ஸ்கூல் ஸ்போர்ட் டீம் கப்டனும் என்பதால் அதையே சாக்காக வைத்து ஸ்கூல் மைதானத்தில் பசங்களுக்கு சமமா பந்து விளையாடிட்டிருப்பேன்.

ahmad78 wrote:

அடடாடடடடடா!

உங்க ஊரிலும் இந்த மாதிரில்லாம் விளையாட்டு இருந்ததா? நாங்களும் விளையாடி இருக்கோமே! ^_ 

தென்னோலை கண்ணாடி, விசிறி, மணிக்கூடுல்லாம் இப்ப ரெம்ப பெறுமதியானது அல்லவா..

ராகவன் இந்த திரியை சிறுவயது நினைவலைகள் எனும் திரியுடன் இணைத்தால் என்ன? மொத்தமாய் பகிர்ந்து விட்டு ஒட்டியாக்கி விடலாம்ல..

கில்லி
(Gilli –Danda)

ஆனந்த மானந்தம் தோழர்களே!
கூடிப்பனங்கட்டி கூழுங் குடிக்கலாம்
கொழுக்கட்டை தின்னலாம் தோழர்களே!

பாசிப்பயறு வறுத்துக்குத்திச் செந்நெல்
பச்சை அரிசி இடித்துத் தெள்ளி,
வாசப்பருப்பை அவித்துக்கொண்டு நல்ல
மாவைப் பதமாய் வறுத்தெடுத்து,

வேண்டிய தேங்காய் உடைத்துத் துருவியே
வேலூரில் சக்கரையுங்கலந்து,
தோண்டியில் நீர்விட்டு மாவை அதிற்கொட்டி
சுற்றிக் குழைத்துத் திரட்டிக்கொண்டு.

வில்லை வில்லையாக மாவைக் கிள்ளித்தட்டி
வெல்லக் கலவையை உள்ளே இட்டு
பல்லுக் கொழுக்கட்டை அம்மா அவிப்பாளே
பார்க்கப் பார்க்கப் பசி தீர்ந்திடுமே!

பூவைத் துருவிப் பிழிந்து பனங்கட்டி
போட்டு மாவுண்டை பயறுமிட்டு
மாவைக் கரைத்தம்மா வார்த்துத் துழாவுவள்
மணக்க மணக்க வாயூறிடுமே

குங்குமப் பொட்டிட்டு பூமாலை சூடியே
குத்து விளக்குக் கொளுத்தி வைத்து
அங்கிளநீர் பழம் பாக்குடன் வெற்றிலை
ஆடிப் படைப்பும் படைப்போமே

வண்ணப் பலாவிலை ஓடிப்பொறுக்கியே
வந்து மடித்ததைக் கோலிக்கொண்டு
அன்னை அகப்பையால் அள்ளி அள்ளி வார்க்க
ஆடிப் புதுக்கூழ் குடிப்போமே

வாழைப் பழத்தை உரித்துத் தின்போம் நல்ல
மாவின் மாவின் பழத்தை அறுத்துத் தின்போம்
கூழைச் சுடச் சுட ஊதிக்குடித்துக்
கொழுக்கட்டை தன்னைக் கடிப்போமே

ஆடிப்பிறப்புக்கு நாளை விடுதலை
ஆனந்த மானந்தந் தோழர்களே
கூடிப் பனங்கட்டிக் கூழுங் குடிக்கலாம்
கொழுக்கட்டை தின்னலாம் தோழர்களே!

இதெல்லாம் கூட நினைவில் வருமே!

பவளக்கொடி

பருத்தித்துறை ஊராம் பவளக்கொடி பேராம்
பாவைதனை ஒப்பாள் பாலெடுத்து விற்பாள்
அங்கவட்டோர் நாளில் அடுத்த கதை கேளீர்
சந்தைக்கு போம்போது தான் நினைத்தாள் மாது
பாலை இன்று விற்பேன் காசை பையில் வைப்பேன்
முருகரப்பா வீட்டில் முட்டை விற்பாள் பாட்டி
கோழி முட்டை வாங்கி குஞ்சுக்கு வைப்பேனே
புள்ளிக் கோழிக்குஞ்சு பொரிக்கும் இரண்டஞ்சு
குஞ்சுகள் வளர்ந்து கோழியாகும் விரைந்து
விரைந்து வளர்ந்திடுமே வெள்ளை முட்டை இடுமே
முட்டை விற்ற காசை முழுவதும் எடுத்தாசை
வண்ணச்சேலை சட்டை மாதுளம்பூ தொப்பி
வாசனை செருப்பு வாங்குவேன் விருப்பு
வெள்ளைப்பட்டுத்தி மினுங்கல் தொப்பி தொடுத்து
கை இரண்டும் வீசி சந்தைக்கு போவேனே
அரிய மலரும் பார்ப்பாள் அம்புஜமும் பார்ப்பாள்
பூமணியும் பார்ப்பாள் பொற்கொடியும் பார்ப்பாள்
சரிகைச்சேலை பாரீர் தாவணியை பாரீர்
பாரும் பாரும் என்று பவளக்கொடி நின்று
சற்றுத்தலை நிமிர்ந்தாள் தையல் என்ன செய்வாள்
பாலும் எல்லாம் போச்சு பாற்குடமும் போச்சு
மிக்கத்துயரோடு வீடு சென்றாள் மாது
கைக்கு வரும் முன்னே நெய்க்கு விலை பேசேல்


ஆக்கம் : கல்லடி வேலுப்பிள்ளை

வீமா! வீமா! ஓடி வாவா - அணில்
வேட்டை ஆடிப்பிடித் தூட்டுவேன் வாவா
தேமா மரத்திற் பதுங்கி - மாங்காய்
தின்னும் அணிலைப் பிடிப்போம் ஒதுங்கி

மரத்தில் இருந்து குதித்தே - அடடா
வாலைக் கிளப்பிக்கொண் டோடுதே பார்பார்
துரத்திப் பிடிபிடி வீமா - உச்சு
சூச்சூஅணில் எம்மைத் தப்பியும் போமா?

பொந்துக்குட் புகுந்தது வீமா - உந்தப்
புறத்தில்நில் அந்தப் புறத்தினில் வருவேன்
அந்தோஎன் தாடியை விடுவாய் - அந்த
அணில்தப்பி ஓடிய தையையோ கெடுவாய்

அக்கா வீட்ட போனேன்
பழம் அரிசி தந்தாள்
வேண்டாம் என்று வந்தேன்
வந்த வழியில் பாம்பு
பாம்படிக்கத் தடிக்குப் போனேன்
தடியெல்லாம் ஊத்தை.
ஊத்தை கழுவ தண்ணிக்குப் போனேன்
தண்ணி எல்லாம் மீன்
மீன் பிடிக்க வலைக்குப் போனேன்
வலையெல்லாம் ஓட்டை
ஓட்டை தைக்க ஊசிக்குப் போனேன்
ஊசி எல்லாம் வெள்ளி
வெள்ளி எல்லாம்(அம்மா?) வெள்ளி
பொயிலைக் காம்பை நுள்ளி
வாய்க்கை போடடி கள்ளி.